ကဗျာတွေစုပ်ယူထားတဲ့ ပန်းစံပယ်ရဲ့ ရနံ့သင်းသင်းလေးနှင့် စိမ်းစိုနေသော ကဗျာလွင်ပြင်ကျယ်

ပန်းစံပယ်

Sunday 27 May 2012

20 comments


ပန်းစံပယ်
ရနံ့က ကြူကြူမွေး
အရောင်က ဖြူဖြူဖွေးနဲ့
မိုးသားမမျှော်
ရေလောင်းလဲပွင့်
သူ့အကျင့်က
မမှီခိုတဲ့ ပန်း။

ပန်းစံပယ်
ပင်မြင့်မှာ မပွင့်လန်းပေမဲ့
ခြေရင်းမှာလဲ ၀ပ်ဆင်းမနေပါဘူး
အထီးကျန် တပင်တည်းပွင့်တဲ့ပန်းမဟုတ်လို့
ရိုးတံတွေ ခိုင်ခိုင်နဲ့
စည်းလုံးတဲ့ ပန်း။

ပန်းစံပယ်
ရနံ့တွေ မရိုင်းသလို
ဖူးစမှသည်
ကြွေလွင့်တဲ့ထိ
မွေးရနံ့တွေးဖြန်းပက်လို့ရယ်
ဝန်းကျင်ရပ်ရပ်
မွှေးလွန်းသည့် ပန်း။

ပန်းစံပယ်
ဆူးသားမ၀ိုင်း
ကိုင်းဖျားထိပ်ဆီ
မိုးလေမကြောက်
နေလောင်ထိလဲ ညိုးနွမ်းမမြန်တဲ့
ရဲရင့်သည့်ပန်း။

ပန်းစံပယ်
အမျိုးတူပြီး
အရောင်ကွဲပြား
ရနံ့တွေမတူညီတဲ့
ပန်းမျိုးပေါင်းလယ်
အဖြူပဲပွင့်
တမျိုးတည်းရနံ့နဲ့
သစ္စာဒီပန်း
စံပယ်ပန်း။

လွင်ပြင်လှိုင်းငယ်
စံပယ်ချိုအတွက် အမှတ်တရနေ့လေးမို့ သူ့အတွက် အမှတ်တရရေးထားသောကဗျာလေးက ပြန်တင်ထားပါသည်။

ပြန်လာပါတော့ မီး ရယ်

Thursday 24 May 2012

16 comments
မိုးရွာပေမယ့်
ထီးမပါလဲ
လမ်းလျှောက်လို့ရတယ်။

နေပူပေမယ့်
ဆောင်းစရာမရှိလဲ
ခေါင်းမှာ မီးထတောက်စရာ
 အကြောင်းတော့မရှိပါဘူး။

ဆောင်းမှာ အေးခဲနေပေမယ့်
မီးပုံဘေး စောင်ကြမ်းလေးနဲ့
ကွေးလို့ရသေးတယ် ။

အခုတော့
မီးကမလာ
ဆက်သွယ်ရေးတွေ ပြတ်
စာကျက်တဲ့ ကလေးတွေရဲ့ ဖယောင်းတိုင်းမီးကရော
အိမ်တွေကို မလောင်ကျွမ်းနိုင်ဘူးလို့
သင် အာမခံရဲလား  ။

ညအခါ လသာသာ
ကစားမလား နားမလားတဲ့
ငယ်ငယ်ကသင်ဖူးတာပါ
နေ့ညအခါ မီးတွေလာ
စာကျက်မလား အလုပ်လုပ်မလား
ဒီလိုစာတွေ သင် ချင်ခဲ့တာပါ
အခုတော့
လ ကို အားကိုး
ကစားဖို့နဲ့ နားဖို့ပဲ သင်ပေးလိုက်တော့
အမေ့သား အပျင်းထူနေတာပေါ့ ဖေတို့မေတို့ရေ။

မီးဘေးရှောင် မလောင်ခင်တား
မီးကြေးဆောင် မလာတာကများ နေတော့
ဖယောင်းတိုင်တွေမင်းမူ
မီးခွက်တွေ အိပ်ငိုက်တော့
ပြာဖြစ်ရ အိမ် ယာ တွေ ။

ရေကာတာတွေက ဖားရှာဖို့လား
ဆည်မြောင်းတွေက ငါး ဖမ်းဖို့ပဲလား
လျှပ်စစ်မီးဆိုတာ ဆည်ထဲမှာ ရေ ရှိရင်ဖြစ်ပေမယ့်
ပိတိတွေဖြာနေတဲ့ ပြည်သူတွေမျက်နှာ
လျှပ်စစ်ရောင်စုံမီးကြားမှာ မမြင်လိုလို့များ
ရေကာတာ တွေမှာ ရေတွေခန်းခြောက်နေတာလား ဖေတို့ မေတို့ ရေ။

ကျွန်တော်ရေးတဲ့ စံပယ့်အကြောင်း(အိပ်မက်သခင်မလေးပန်းစံပယ်)

Tuesday 22 May 2012

15 comments
လှိုင်းကြမ်း လေရမ်း မုန်တိုင်းလမ်းကြားထဲ အတ္တကျောပိုးအိတ်မှာ စုတ်ပြဲနေတဲ့ မာနအပုပ်အသိုးအချို့ လောဘမုဆိုးတွေကြား ပြေးလွှားရတာများလွန်းလို့
ပါးလှပ်လှပ် မောဟ ဖိနပ်တစ်ရံ မာယာဝတ်ရုံအပေါက်အပြဲနဲ့လူတစ်ယောက်အတွက် နားခိုစရာ အေးမြရိပ်ကို ရှာဖွေခရီးဆက်ရင်း........
မောပန်းလွန်းလို့ လေးလံတဲ့ ခြေတစ်စုံကို ရှေ့မဆက်နိုင် ပြာဝေနေတဲ့ မျက်ဝန်းမှာ စိမ်းလန်းတဲ့ တောအုပ်ကို နောက်ဆုံး နှုတ်ဆက်ရင်း ကမ္ဘာလောက ကနေ ခဏတာတော့ ငါထွက်ခွာသွားမိတယ်ထင်တယ်။ သတိထားမိတာက အသိတရားရဲ့ ၀င်လေမှာ မွှေးပျံ့တဲ့ ရနံ့တမျိုး ထွက်လေမှာလဲ တူညီတဲ့ ရနံ့မျိုးမို့ အမြင်အာရုံကို အားယူဖွင့်
ကြည့်လိုက်တော့ သံယောဇဉ်မြက်ခင်းပြင်မှာ စိမ်းလန်းတဲ့ ပန်းပေါင်းစုံကြားက မွှေးပျံ့တဲ့ ရနံ့နဲ့ ငါ့အသက်ကိုဆက်ပေးခဲ့တဲ့ ပန်းရနံ့တစ်မျိုးကို အားယူထပြီး
ငါရှာဖွေနေလေရဲ့............။


 အရောင်အသွေးစုံတဲ့ ပန်းအလှတွေကြား ဒေါသကင်းကင်း မာနရှင်းရှင်းနဲ့ စိတ်လက်ရှည်ရှည်ထားပြီး ငါရှာဖွေနေပေမယ့် ထူးခြားစွာ ငါမောပန်းမှု့တွေပျောက်ပြီး အားအင်သစ်တွေရသလိုမျိုး ငါဟာ ပေါ့ပါးလွတ်လပ်ပြီး ပန်းကလေး ရနံ့နဲ့နီးလေ ခြေးလှမ်းတွေက အဓိပ္ပါယ်ရှိသလို ခံစားရလေလေ။ ဒါဟာ ငါ့ဘ၀အတွက် စစ်မှန်တဲ့ ရှာဖွေမှုနိဒါန်းပါပဲလေ။

 ၀င်သက် ထွက်သက်တိုင်း ရနံ့က ပိုမွှေး ရင်ခုန်သံစည်းချက်ကပိုမှန် မျက်ဝန်းနဲ့
ဝင်သက်ထွက်သက်တွေပူးပေါင်းပြီး ငါ့ဘ၀ရဲ့ မှော်ဆန်တဲ့ပန်းမျိုးမဟုတ်သလို နှလုံးသားရဲ့ တော်ဝင်ပန်းဟာ လက်တစ်ကမ်းက စိမ်းစိုတဲ့မြက်ခင်းထက်စိမ်းစိုမှုသခင်အရွက်စိမ်းတွေခြံရံ အခြေခိုင်တဲ့ ပင်စည်သွယ်သွယ်လေးတွေရဲ့ ထိပ်ဖျားက ဖြူစင်တဲ့ သရဖူပေါင်းများစွာ ပွင့်ဖတ်တွေက အတောင်ညောင်းလို့နားနေတဲ့ ခိုဖြူလေးများအလား ပန်းပွင့်ပန်းခိုင်တွေနဲ့ ပန်းရုံလေးကို မြင်လိုက်ရတော့ အသက်ရှုရပ်တန့်သွားသည့်အလား ရင်ခုန်သံက မြန်လွန်းနေလိုက်တာ။ ဒူးတုန်နေပေမယ့်  နှလုံးသားခြေတစ်စုံရဲ့ခေါ်ဆောင်ရာလိုက်ရင်း တိုးတိုးလေး ကပ်မေးမိတယ်။ သူကလဲ ရိုးရိုးလေးပဲပြန်ဖြေပါတယ် ပန်းစံပယ်တဲ့။


အမှောင်တွေကြားကဆောင်ယူလာတဲ့ ငါ့ခန္ဓာကိုယ်က မွှေးပျံတဲ့ ပန်းရနံ့နဲ့ ရေချိုးပစ်လိုက်ချင်တယ်။
 စံပယ်ပန်းလေးဘေးမှာ ထာဝရမှေးစက်ချင်လိုက်တာ။ ငါ့အတွေးတွေကို သူ သိနေလားပဲ ငုံနေတဲ့ ပန်းဖူးလေးတစ်ခု ပွင့်လွှာလေး ဟ သွားတာ ငါမြင်လိုက်တယ်။ ဒါဟာ ပန်းတွေရဲ့ အပြုံးလား ။ တကယ့်ကို ဖြူစင်လွန်းတဲ့ အပြုံးပဲ တသက်တာမှာ ပထမဦးဆုံးမြင်ဖူးတဲ့ ရိုးသားတဲ့ အပြုံးလေးတစ်ပွင့်ပေါ့။နေ့ညတွေတိုင်းမှာ ပန်ရုံလေးဘေးမှာနေရင်း ပန်းကလေးရဲ့ စိတ်ရင်းစေတနာစကားတွေကိုကြားနာရင်းနဲ့ အခုဆို ငါ့ဘ၀မှာ
ပျော်ရွှင်မှုဆိုတဲ့ ခံစားချက်အသစ်တစ်ခုထပ်ရပြန်ပြီ။
ကျေးဇူးပါ ပန်းကလေးရယ်။ တကယ်ဆိုနင့်ရင်ထဲမှာဖြူစင်လွန်းလို့ ပွင့်တဲ့ပန်းအရောင်ကပါဓါတ်ကူးပြီး ဖြူသွားသလားလို့ မကြာမကြာတွေးမိတယ်။

အချိန်တွေကြာလာတော့ စံပယ်ပန်းလေးကို ငါ့ဘ၀ထက် မြတ်နိုးတွယ်တာ ချစ်မိနေပြီဆိုတာ
ငါ့နှလုံးသားက အသက်ရှူတိုင်းငါ့ကို အသိပေးနေပေမယ့်  ပန်းစံပယ်လေးကတော့ ဘယ်လိုခံစားနေသလဲဆိုတာ သိချင်ပေမယ့် မမေးမိအောင်ကြိုးစားရင်း ပန်းရုံလေးကို လုံခြုံစွာ နှလုံးသားနဲ့မိုးပြီး မေတ္တာရည်တွေ ဖြန်းပေး သူ့ဆီက ဘာသာပြန်မယ့် စကားတစ်ခွန်းကို မျှော်လင့်ရင်းပေါ့............။


(ကျေးဇူးတင်လွှာ။    ။ကျွန်တော်စာရေးဖြစ်အောင် အချစ်တွေပေး ဘ၀တစ်ခုလုံးယုံကြည်စွာ အပ်နှံထားသော ချစ်ဇနီး စံပယ်ချို နှင့် ကျွန်တော်မရေးတတ်တဲ့ အက်ဆေးလေးတွေကို ရေးဖြစ်အောင် တိုက်တွန်းပြီး မအားလပ်သည့်ကြားက စာတွေပါပြင်ပေးသောသူငယ်ချင်းအား အရမ်းကို ကျေးဇူးပါ)
လွင်ပြင်လှိုင်းငယ်

သက်မဲ့ဆိုပေမယ့် ခံစားချက်တော့ရှိနိုင်ပါရဲ့

Saturday 19 May 2012

16 comments
ငါ နင့် အပေါ်ရပ်တယ်
ငါ နင့် ကိုဖိအားတွေပေးတယ်
ငါ နင့် ကို ခရီးကြမ်းတွေလျှောက်ခိုင်းတယ်
ငါ နင့် ကို ပူလောင်ခြင်းတွေခါးစီးခံခိုင်းတယ်
ငါ နင့် ကို အညစ်အကြေးတွေနဲ့ မိတ်ဆက်ပေးတယ်
ငါ နင့် ကို ဆူးညှောင့် ခလုတ်တွေအပေါ် နင်းလျှောက်ခိုင်းတယ်
ငါ နင့် ကို ရွှံဗွတ်နွံမှာ မွန်းကြပ်စေတယ်
ငါ နင့် ကို သစ်လွင်နေရင် လူတွေကြားချပြ ဂုဏ်ယူတတ်တယ်
ငါ နင့် ကို ဟောင်းနွမ်းနေရင် လူမြင်မခံချင်တော့ဘူး
ငါ နင့် ကို လိုအပ်ရင်သုံးပြီး မလိုအပ်ရင်တော့ အထီးကျန်နေလေပေါ့
ငါ နင့် ကို သုံးလို့ ၀ သွားတော့ နင်ဟာ အမှိုက်ပုံး(သို့မဟုတ်) လမ်းဘေးတစ်နေရာမှာပိုင်ရှင်မဲ့မျက်နှာငယ်နဲ့ပေါ့
ငါ နင့် နေရာမှာ အသစ်ကို အရင်ကနင့်လိုပဲ အသုံးချရင်း.............

နင် ငါ့ ကို ရပ်တည်ခွင့်ပေးတယ်
နင် ငါ့ ကို မြင့်တင်ပေးတယ်
နင် ငါ့ ကို ပူလောင်ခြင်းတွေကို ကာကွယ်ပေးတယ်
နင် ငါ့ ကို အမြဲသန့်ရှင်းစင်ကြယ်အောင် ဆောင်မပေးတယ်
နင် ငါ့ ကို မြေပေါ်မြေအောက် အန္တရာယ်မှန်သမျှ ဖြေရှင်းပေးတယ်
နင် ငါ့ ကိုတော့ ရှင်းသန့်စေပြီး နင်ကတော့ မွန်းကြပ်တဲ့ ရင်တစုံနဲ့ပေါ့
နင် ငါ့ အတွက်လူတွေကြားမှာ စွဲဆောင်မှု့တွေပေးခဲ့တယ်
နင် ငါ့ အနားကနေ တိတ်တိတ်လေး ထွက်ခွာသွားဖို့ ပြင်ဆင်နေတယ်(ငါ့အတ္တအတွက် ထွက်ခွာခြင်းပေါ့)
နင် ငါ့ရဲ့ ရက်စက်ခြင်း မတည်ငြိမ်တဲ့ မြတ်နိုးမှု့အတွက်
နင် အခုတော့ ဘယ်ဆီရောက်နေပြီလဲကွယ်........
မှတ်ချက်။     ။စီးခဲ့ဖူးတဲ့ ဖိနပ်များစွာအတွက်(သို့မဟုတ်) အတ္တအတွက် အသုံးချခံ သက်မဲ့အကြောင်း)
လွင်ပြင်လှိုင်းငယ်

ကျွန်တော်ရေးတဲ့ လွင်ပြင်အကြောင်း

Thursday 17 May 2012

21 comments
အတွေးပေါက်တူးနဲ့ မြေမြှပ်ထားတဲ့ အတိတ်ဇာတ်ကြောင်းစာအုပ်ကို တူးဖော်ပြီးပြန်ဖတ်ကြည့်မိတယ်။

စာအုပ်အဖုံးဒီဇိုင်ကိုက စိတ္တဇဆန်ပြီး ဖတ်ချင်စရာတစ်စက်လေးမှမကောင်းတဲ့ အပြင်အဆင်မျိုးနဲ့မို့ ကိုင်ထားပြီးမှ ပြန်ပစ်ချလိုက်ချင်တာ ဒါပေမယ့်လဲ မဖြစ်သေးပါဘူး ဒီစာအုပ်ကိုဒီနေ့ဖတ်မှ ဖြစ်မှာပါလေ။စာမျက်နှာ (တစ်)အဖွင့်မှာကတည်းကကို ကိုယ်ဝန်ဆောင်ထားတဲ့ မိခင်ကို ဒုက္ခပေးနေတဲ့အခန်း မိခင်ကသွေးတောင်းလို့ဆိုပြီတကြိမ်တခါမှ မသောက်ဖူးတဲ့ ဆေးလိပ်ကို သူ ကိုယ်ဝန်ရှိမှသောက်တတ်ပြီး သူလဲမွေးပြီးရော ဆေးလိပ်လဲပြတ်ရောတဲ့ လူတောင်မဖြစ်သေးဘူး ဇာတိကတော့ပြနေပြီ ။
ကဲ မွေးတဲ့အခန်းရောက်လာပါပြီ ... အချိန်က နေ့လယ်၁၂နာရီကျော် နေ့က စနေနေ့ နေတော့တက်တယ် ရေတက်မတက်တော့ ပင်လယ်နဲ့မနီးလို့ မသိလိုက်ပေမယ့် ရိုးရာကိုတော့ လွန်ဆန်လိုက်တယ် ဓါးထမ်းမကျော်ပါဘူး အနမ်းဦးနဲ့ပဲ လူ့လောကထဲကိုရောက်လာတဲ့ သူ့ကို ကြိုဆိုခဲ့ကြတယ်။ ကြယ်တွေအိပ်တဲ့ နေ့ခင်းမှာ သူကပူလို့ ဆိုပြီအကြောင်းပြ ငိုတတ်သလို တခါငို တစ်နာရီဆိုလားပဲ။ နေမင်းခရီးထွက်လို့ မှောင်မိုက်တဲ့ညက ခရမ်းချဉ်သီးရောင်မီးလုံးကို နှစ်သက်စွာကြည့်နေတတ်ပြီး သန်းခေါင်းကျော် ညဉ်းနက်လဲ သူက မအိပ်စက်လို့ မနက်စောစောစီးစီးအလုပ်သွားမယ့်မိဘတွေမှာ အိပ်ရေးပျက်ပေါင်းလဲမနဲတော့ပါဘူး။ စာမျက်နှာတွေတော်တော်များများဖတ်ပေမယ့် ကောင်းခန်းကို မရှိဘူး ကလေးဘ၀မို့ နားမလည်သေးလို့ဆိုးနေတာဖြစ်မှာပါ ရှေ့ရောက်မယ့် အခန်းတွေကောင်းချင်ကောင်မှာပဲ လို့မျှော်လင့်ချက်နဲ့ ဆက်ဖတ်ဖြစ်တယ်...။
ရောက်ပါပြီကျောင်းနေတဲ့အရွယ်.....။ ဟင်းမကောင်းလို့ ထမင်းဘူးမယူတဲ့အကြောင်း လွယ်အိတ်ဟောင်းလို့ကျောင်းပျက်တာက တစ်နှစ်မှာ ၅ရက် ။ ထီးစုပ်လို့ မိုးရွာတဲ့နေ့ ကျောင်းမတက်တာက ရေတွက်လို့တောင်မရပါဘူး ကျောင်းကဆရာ ဆရာမတွေကတော့ သူ့မိဘတွေရဲ့ မိတ်ဆွေတွေကြီးပဲပေါ့...။ မိတ်ဆွေတွေဆိုလို့ အထင်မကြီးနဲ့ သူ့ကြောင့် ကျောင်းကို တိုင်စာလေးလက်ကကိုင်ပြီး မျက်နှာငယ်လေးနဲ့ ရုံးခန်းတွေကိုလာရပါများလို့ ဆရာ ဆရာမတွေနဲ့ ရင်နှီးသွားကြတာလေ။
၈တန်းနှစ်လောက်ကျတော့ စာမျက်နှာမှာ ရည်စားထားတဲ့အခန်းတွေ ဘာတွေတောင်ပါလာလိုက်သေးတယ် ။ သူက အသုံးကျပါတော့မလား စာတော့သေချာမသင်ဘူး အချစ်စာတောင် စာမျက်နှာအသစ်မှာ အသစ်သင်ချင်နေသေးတယ်။နွေကျောင်းပိတ်ရက်တွေမှာ သူများသားသမီးတွေက အလုပ်လေးအကိုင်လေးနဲ့ ကိုယ်သုံးဖို့ ကိုယ့်ဟာကိုရှာထားကြတယ်..။ သူကတော့ အလုပ်လုပ်ရမှာ ရှက်လို့တဲ့ ကျောင်းပိတ်ရက် လက်ဖက်ရည်ဆိုင်ထိုင်ပြီး ဆေးလိပ်လေးသောက် သီချင်းလေးနားထောင်နဲ့ဟုတ်နေတာပဲ။ ဘ၀က လက်ဖက်ရည်တစ်ခွက်နဲ့ ဆေးလိပ်တစ်လိပ်လောက်တောင် တန်ဖိုးမရှိဘူးလို့ကိုယ့်ဟာ ကိုယ်တွေးနေသလားမသိဘူးနော်။
ဖတ်လိုက်ရတဲ့ စာမျက်နှာတိုင်း မိဘအတွက် သိတတ်မှု နားလည်ပေးမှု ကိုယ်ချင်းစာ စိတ်ကတမျက်နှာမှတောင် မပါသေးဘူး ချစ်ခြင်းမေတ္တာဆိုတာ ဝေလာဝေး။ အတွေးနဲ့ မိဘမေတ္တာ...ရေးရေးလေးတော့ မြင်စေ့ချင်တယ်။ ကဲဆက်အုံးမှ...သူ့အကြောင်းက ဖတ်ရတာ ကောင်းကွက်ကိုမရှိတာ ဆယ်တန်းကို ၂နှစ်ဖြေလိုက်မှ တင်မှတ်လို့ထင်ရတဲ့ အောင်မှတ်လေးနဲ့ ပညာရေးစာမျက်နှာကို နိဂုံးချူပ်ထားလိုက်တယ်...။
သူ့ ဘ၀ကတော့ ကောင်းစားဦးမယ် ရှေ့စာမျက်နှာတော်တော်များများကတော့ တိုးတက်လာတာတွေ တွေ့ရတယ် အလုပ်အကိုင်မရှိ ဆေးလိပ်အပြင် အရက်သောက် ရန်ဖြစ်နဲ့ရပ်ကွက်ထဲက ခွေးတောင်သူ့ကိုကြည့်မရတဲ့အဆင့်ထိတိုးတက်လာပြီ။ ရာသီတွေက မိုးရွာလိုက် နေပူလိုက် ချမ်းလိုက်အေးလိုက်နဲ့ ပြောင်းလဲနေပေမယ့် သူ့မှာ ပြောင်းလဲတာဆိုလို့ အိမ်မှာ မထားတော့ဘဲ အမျိုးတွေအိမ်မှာ လိုက်ထားရလွန်းလို့ မြန်မာပြည်မှာ သူမနေဖူးတဲ့နေရာတောင် ခပ်ရှားရှားဖြစ်နေပြီ...။ တနေရာမှာ တခါဆိုသလို အိမ်ပြန်ရင် လက်ဆောင်လေးတော့ ရတတ်စမြဲပါပဲ လက်ဆောင်လေးကတော့ ဘာလဲဆိုတော့ နောက်အိမ်ကိုယောင်လို့တောင်မလာပါနဲ့တဲ့။ ဒါကြောင့်ပြောတာ သူ့ကို အမျိုးတွေကပါ အဲ့လောက်ချစ်တာ။ နောက်ဆုံးတော့ တရွာမပြောင်းသူကောင်းမဖြစ်လို့ပြောရမလား မကောင်းကျောင်းပို့လို့ဆိုရမလားတော့မသိဘူး.... မိဘတွေက တွေးပူပြီး ရှိစုမယ့်စုလေးနဲ့ တိုင်းတပါးသွား နေချင်သလိုနေ မနေနိုင်ရင် ပြန်လာမှာပဲတွေးပြီး လေယာဉ်ပေါ်ကို မျက်ရည်တွေ ရွှဲရွှဲစိုပြီးတင်ပေးလိုက်ပါတော့သည်။
ဘ၀စာမျက်နှာသစ်တော့ စဖတ်ရပါပြီ သူ ကိုယ့်အားကိုယ်ကိုးပြီး ရှာစားရတော့မယ်လေ မလုပ်ရင်လဲ ငတ်ဖို့ပဲရှိတာဆိုတော့ သူလုပ်ရပြီပေါ့ တလ နှစ်လ သုံးလ နဲ့ ဘ၀အကြောင်းတော့ နားလည်နေတတ်ပြီးထင်ပါတယ်။ သူ့မိဘတွေနဲ့ ဖုန်းပြောရင် မျက်ရည်တွေ လယ်တယ်လယ်တယ်နဲ့ ညအိပ်ရင် မိဘဓါတ်ပုံလေးတွေထုတ်ကြည့်နေတတ်
ပါပြီ...။ လက်ကျောမတင်းတဲ့ဒင်း တစ်နှစ်တောင်မခံဘဲ အိမ်ပြန်လာမယ်လို့ တွေးပြီး ပို့လိုက်တဲ့ မိဘတွေတော့ တွက်ချေလွဲသွားပြီပေါ့ သုံးနှစ်ပြည့်တာတောင် သူက ပြန်မလာဘူး သူလေးကလဲ မာနတော့အ၇ှိသားနော်။

ဝါး..........ဖတ်ရတာ ပျင်းတောင်လာပြီ စာမျက်နှာတွေကလဲ စိတ်ဝင်စားစရာမရှိသလို ထူးခြားတာလဲ မရှိဘူး။ နောက်တရွက် နှစ်ရွက် သုံးရွက်နဲ့ ရှစ်ရွက်မြောက်မှာတော့ အကြောင်းအရာအသစ်လေးကို စတင်တွေ့ရှိခဲ့ပါတယ်။ ဘာလဲဆိုတော့ အပြာရောင်စာလုံးတွေနှင့် ချစ်ခြင်းတွေကို ရေးဖွဲ့ထားတဲ့ နှလုံးသားခံစားချက်များပါပဲ သူကောင်မလေးတစ်ယောက်ကို အရမ်းမြတ်နိုးကြောင်း ချစ်ကြောင်း လက်ထပ်ရယူလိုကြောင်း စုံလို့ပါပဲ ကောင်မလေးကို သူက အိပ်မက်လေးလို့ ခေါ်တယ်တဲ့..။ နောက်ပိုင်းစာမျက်နှာ အားလုံးလိုလိုကတော့ ကောင်မလေးရဲ့ ချစ်ခြင်း သူ့ရဲ့ ချစ်ခြင်းတွေကို နှလုံးသားနှင့် ရေးဖွဲ့ထားသည်ထင်ပါ့ ပေါ့ပျက်ပျက်အကြောင်းအရာများကို သိပ့်မတွေ့ရတော့ပေ။ ဘာလိုလိုနဲ့ စာရွက်တွေလှန်လိုက် ဖတ်လိုက်လုပ်လာလိုက်တာ သူတို့ ချစ်ခြင်းမှာ အခက်အခဲတွေမနဲပါ့လား ဒါပေမယ့် အားလုံးကို အောင်မြင်အောင်ကျော်လွှာပြီး လက်ထပ်ပြီး နှစ်ယောက် တစ်ဘ၀နဲ့နေလာတာတောင်တော်တော်ကြာသွားပြီကိုး။ သူလဲ အခုတော့ မိဘမေတ္တာရော ချစ်သူသစ္စာရော သိသင့်သလောက်တော့ သိနေပြီထင်တာပဲ နောက်ရေးမယ့် သူ့ရဲ့ သမိုင်းစာမျက်နှာမှာ ဘာတွေထပ်ရှိမယ် ထပ်ဖြစ်မယ်ဆိုတာကို စောင့်ကြည့်ရတော့မှာပဲလို့ တွေးရင်း စာအုပ်ကို ပ်ိတ်မိလိုက်ပါတော့တယ်။ 
 
စံပယ်ချစ်လင် ကိုလွင်ပြင်

စံပယ်ချိုအတွက် ကဗျာတို

Monday 14 May 2012

16 comments
ချစ်သူသင့်အား
မုန်းမိပါလျှင်
ဒီငတုံးအား
တသက်လုံးပဲ
မုန်းမိပါမည်။

(ရည်ညွှန်း ။  ။ ဒီငတုံး=လွင်ပြင်လှိုင်းငယ်)

လွင်ပြင်လှိုင်းငယ်

သို့.......လွင်ပြင်

Thursday 10 May 2012

17 comments
အသက်သာကြီးလာတယ်
အမှားတွေက မ(နဲ)သွားတဲ့အပြင်
ပိုပိုများပြီး ပိုပိုမှားလာတယ်
ပိုပိုမှားတာကို လိုလိုလားလား
ဆက်မှားနေလေတော့
လောကအလယ်မှာ တန်ဖိုးမဲ့တဲ့
လူလို့ခေါ်ယုံ လူတစ်ယောက်ဖြစ်ချင်နေတာလား  ။

အသိတရားတွေကလဲ
သတိထားနေမှပဲ
ပိုပိုသတိကင်းမဲ့လာသလိုပဲဆိုတော့
ဘာမှ အသုံးမ၀င်တဲ့ မာနတွေကို
နေ့စဉ်အရောင်တင်ရင်း
ငါတရားမဲ့တဲ့လူတစ်ယောက်ဖြစ်ချင်နေတာလား ။


စိတ်ဓါတ်တွေကိုဖျက်ဆီးနေတဲ့
အပျော်အရေခြုံ
မကောင်းဆိုးဝါးအဖျက်သမားကြောင့်လား
ကြံ့ခိုင်းမှု့မရှိတဲ့ ငါ့စိတ်ဓါတ်ကြောင့်လားမသိဘူး
အပျော်တွေက တဖြေးဖြေး အပျက်ဘက်သို့ ကူးပြောင်းနေပြီ  ။

မနေ့က လုပ်တဲ့အမှားကို
ဒီနေ့ကြမှ နောင်တ ရတယ်
ရတဲ့  နောင်တ က တစ်ညအိပ်တော့ ပျောက်သွားတယ်
မနက်ဖြန်ဆက်မှားမယ်
ဒီလိုနဲ့ပဲ နောင်တ တောမှာမြောနေရင်း
စစ်မှန်တဲ့ နောင်တ မရှိချင်သူများလား  ။  
 ခိုင်မာပါတယ်လို့
ကြွေးကြော်နေတဲ့ စိတ်ဓါတ်တွေကလဲ
ကြွေးကြော်နေပေမယ့်လဲ
အရေးပေါ် အထာမကျတဲ့
ကိစ္စသေးသေးလေးတွေအတွက်နဲ့တောင်
ယိုင်နှဲ့နေလေတော့
ဖယောင်းခဲစိတ်ဓါတ်နဲ့
နေ့ညတွေကိုဖြတ်ကျော်ချင်နေသူများလား  ။


ဘာမှမရှိသေးတဲ့ဘ၀ကနေ
ဘာမှမဖြစ်သေးတဲ့ အနေအထားတစ်ခုကို
ဘာတွေများကျေနပ်ပြီး
ဘာအတွက်များ မာန်တက်နေရင်း
ဟန်ချက်ပျက်နေတဲ့ခြေလှမ်းတစ်စုံနဲ့
မာယာများတဲ့ လောကလမ်းပေါ် လျှောက်ချင်နေတာလား  ။

တွေးမကြည့်နဲ့
ပြေးကြည့်လိုက်ပါ
ကိုယ်ပိုင်သမိုင်းစာမျက်နှာတွေမှာ
မိဘအတွက်
ချစ်သူ ဆွေမျိုးများအတွက်
သူငယ်ချင်းများအတွက်
နေထိုင်ရာ ကမ္ဘာမြေကြီးအတွက်
တန်ဖိုးရှိသည့် စာမျက်နှာ
အသုံးဝင်သည့် စာမျက်နှာ
တစ်မျက်နှာမပြောနဲ့
တစ်ကြောင်းတောင်ရှိသေးရဲ့လားလို့  ။

စာတွေရေးပြီး ဖြေမတွေးပါနဲ့
အခြေအနေက
အမှားတွေ ပြင်ဆင်
မတတ်တာတွေ သင်ရမယ့်အချိန်ပါ။(လောကပညာကို ဆိုလိုပါသည်)
လွင်ပြင်လှိုင်းငယ်

ကျွန်တော်တို့မလေးရှားမှာ ဒီလိုပဲရှိတယ်

Tuesday 8 May 2012

23 comments
ဘာမှ မပြောချင်တော့ဘူး
ဘယ်ကဘယ်လိုရောက်လာမှန်းမသိပေမယ့်
မြန်မာမိန်းကလေးဆိုတဲ့အသိ
ပြည်မြန်မာက မိဘအိမ်မှာ ချန်ထားခဲ့သလားပဲ
မဲပြောင်တဲ့အသားအရောင်မှာ
ခဲရောင်စကတ်တိုနဲ့
တက်တူးမြင်အောင် ကျောပြောင်နှင့်နေပေမယ့်
မဲပြောင်တဲ့ အသားမှာ
ရေမချိုးလို့ ဂျီးလိပ်တွေတက်နေသလိုပါပဲ ။

ဘာမှမပြောတော့ပါဘူး
ဆွဲလိုက်တဲ့ နားဆွဲ
လည်းဘီးလောက်ကြီးပေမယ့်
ဘေးကဆဲသွားတာဘယ်နှယောက်များရှိနေမလဲ
မကြားလိုက် မသိလိုက်တာလား
ဟန်ဆောင်နေတာလား
ဟိတ်ကြီး ဟန်ကြီးနဲ့
ဟမ်းဖုန်းကြီးတကားကား
ဟမ်းဖရီးကြီးနားမှာတပ်ပေမယ့်
လူတိုင်းကိုပေးတာက miss call  
အပြစ်တော့မပြောပါဘူး
ဖုန်းထဲမှာ ပိုက်ဆံမရှိတာနှစ်လတောင်ရှိပြီပဲ  ။

ဘာမှမပြောချင်တော့ပါဘူး
မိဘတွေအတွေးမှာ
ငါ့သမီးလေး အဆင်မှပြေပါ့မလား
တွေးပူပေမယ့်
အရေးတယူမရှိတာက သမီးအလိမ္မာ
ညာစားတာတွေများတော့
မနေ့က ဒေစီ
ဒီနေ့ ဒေ၀ီနဲ့
နာမည်တွေပြောင်းပေမယ့်
ပြောင်းမရတာက ရုပ်သွင်နဲ့ အကျင့်စရိုက်  ။

ဘာမှမပြောချင်တော့ပါဘူး
ဘာတဲ့ လူကြားမှာ မြန်မာလိုမပြောနဲ့တဲ့
မြန်မာလိုမပြောလို့ အီးလိုပြောတော့ရော
how are you?ဆိုတော့
my name is .......တဲ့
ပြောပြန်တော့လဲ
ကော နေရအောင် နင့်အမျိုးလားတဲ့
သဘောအမှန်နဲ့ ပြောနေသူက
အရူးတစ်ယောက်လား  ။

ဘာမှမပြောချင်တော့ပါဘူး
အချစ်လား
နှစ်မိနစ်ခြား
ချစ်ရတာကများပေမယ့်
အများကမေးတော့လဲ
အပျိုစစ်စစ်ပါဆိုတော့
မိဘအိမ်မှာကျန်ခဲ့တဲ့ ကလေးတွေက
မိဘမဲ့တွေလား  ။

ဘာမှမပြောချင်တော့ပါဘူး
မယားရှိသည့်လင်
ဝင်ငွေကောင်းလို့ကတော့
ဒု သ န သော ကို
ဒု ဆိုတဲ့ ဒူးရင်းသီး
သ ဆိုတဲ့ သရက်သီး
န ဆိုတဲ့ နာနတ်သီး
သော ဆိုတာ သောသောညံကောင်းတယ်လို့များ မှတ်ယူသလားပဲ
ရှောင်ရန်မသိ
ဆောင်တာက မာယာမို့
လင်မယားတွေ ကွဲကြ ကွာကြ ခဏခဏပါပဲ  ။
ဘာမှမပြောတော့ပါဘူး
တစ်ယောက်မကောင်းရင်
တစ်သောင်းလုံးကို
ဝါလုံးထိပ် အတင်းတွေချိတ်ပြီး
ရမ်းတတ်တဲ့ လူတွေကြားမှာ
နင်ကဟိုလိုင်းမရောက် ဒီလိုင်းမရောက်နဲ့
ပေါက်ကရတွေ လျှောက်လုပ်နေမှတော့
ကောင်းတဲ့သူတွေရဲ့ မေတ္တာနင်သာခံယူပါတော့နော်  ။ 


(အကျင့်မကောင်းတဲ့ တစ်ဦးတစ်ယောက်အတွက် လူအပေါင်းများစွာက မျှဝေခံစားနေရခြင်းကို မနေနိုင်လို့ ကဗျာမဟုတ် စာမဟုတ်ရေးချမိပါသည်။ နိုင်ငံခြားမှာ အကြောင်းအမျိုးမျိုးကြောင့် စီးပွာရှာနေသော အမျိုးသမီးသောင်းနှင့်ချီမှာ တစ်ဦးတစ်ယောက်ကြောင့် အပြစ်ပြောခံနေရတာကို မကြာခဏကြားမိပါသည်
အကျင့်မကောင်းသည့် အမျိုးသမီးများ မိမိကြောင့် မိကောင်းဖခင်သားသမီးများကို မနစ်နာစေအောင် ဖြစ်ခဲ့တာတွေကို နောင်တရပြီး ကောင်းကောင်းမွန်မွန်စီးပွားရှာရင်ဘယ်လောက်များကောင်းလိုက်မလဲနော်)

လွင်ပြင်လှိုင်းငယ်

ဥတုရာသီ မြန်မာပြည်

Monday 7 May 2012

2 comments
ကောင်းကင်မှာ လတစ်စင်းနဲ့
လင်းလက်တဲ့ကြယ် တစ်ခင်း
အလင်းနဲ့စစ်ခင်းရမယ့်အချိန်ပါ........။

အခုတော့........
မိုးသားညိုမှောင်မှောင်နဲ့
ကြယ်စင်အလင်းကင်းတဲ့
လမိုက်တဲ့ ညဖြစ်လို့နေပါတယ်........

ပုစဉ်းရင်ကွဲ အော်မြည်သံနဲ့
ခြောက်သွေ့တဲ့နွေလယ်ရဲ့ည
ဖြစ်သင့်တဲ့ဥတုတစ်ခုရယ်ပါ...............။

အခုတော့.............
မိုးခေါ်ဖို့ ဖားသီချင်းသည်
ညံစည်ဝေ တေးဆိုတဲ့
မိုးတွေစွေသောနွေည ဖြစ်လို့နေပါတယ်.......။

မိုး....ချစ်တတ်သူပေမို့
ကောင်းကင်ရယ် မိုးစက်သာကြွေမယ်ဆို
လမင်း အလင်းနဲ့.........
ကြယ်တွေ မခင်းထားလဲ
ရောင့်ရဲ နိုင်ပါတယ်...........။

ကမ္ဘာကျာ် တေးသွားတွေ မလို
မိုးခေါ်တဲ့ ချစ်သူ့တေးသံနဲ့
အိပ်စက်ဖို့ ပြင်ဆင်ရင်း
ကြည်နူးစွာ အိပ်မက် မက်မယ့်သူမုိ့.................။
  ကဆုန်လပြည့်နေ့တွင်သူမရေးဖြစ်သော ကဗျာလေးတဲ့ အားပေးကြပါဦး  မိုးစက်ငယ်

တန်ဖိုး

Saturday 5 May 2012

7 comments
လမင်းမရှိတဲ့ညက ကြယ်အလင်းက
တန်ဖိုးပိုရှိသလို
လမင်းမရှိတဲ့ညမှာပဲ
လမိုက်ညရဲ့ အရသာကို
စမ်းတ၀ါးဝါးခံစားရင်း
တိမ်တွေပေါ်လိုက်စီးရင်
ကမ္ဘာမြေထံသို့
တန်ဖိုးဆိုတဲ့ ကဗျာတစ်ပုဒ်လောက်တော့
ရွာချလိုက်ချင်တယ်  ။

ပန်းတစ်ပွင့်ကို
နွမ်းခြောက်သွားမှ
လန်းစေချင်လို့
နေညမပြတ်ရေလောင်နေမယ့်အစား
မနွမ်းခင်က တန်ဖိုးထား
ရတဲ့ မွှေးရနံ့
ဘယ်ဘက်ရင်ဘတ်အောက်မှာသိမ်းထား
ဘယ်တော့မှ မနွမ်းမယ့်ပန်း  ။

ကာရံအပြည့်နဲ့
ကဗျာတစ်ပုဒ်တော့
ဟန်လုပ်ပြီး မရေးချင်ဘူး
ကာရံမဲ့တဲ့ ကဗျာမဟုတ်တဲ့
ခံစားချက်တစ်ပုဒ်လောက်တော့
ရင်ဘတ်နဲ့ရင်း
နှလုံးသွေးနဲ့ရေးပြချင်တယ်
တန်ဖိုးရှိမရှိတော့မသိဘူး
မြတ်နိုးမိတာတော့အမှန်ပါပဲ  ။

အပြောမလွယ်ပါနဲ့
ချစ်တယ်ဆိုတာ
လမ်းဘေးက ဈေးသည်ကို
ခေါ်သလောက်မလွယ်ပါဘူး
ချစ်ဖို့ဆိုတာလွယ်ပေမယ့်
ချစ်တတ်ဖို့ရန် ခက်ခဲသည်မို့
အချစ်ကို လမ်းဘေးမှာချမရောင်းမိဖို့
သင်သတိပြုသင့်သည် 
အချစ်၏တန်ဖိုး
ဘယ်ပညာရှင်မှ တန်ဖိုးမဖြတ်တတ်ပါဘူး  ။

ကျွန်တော်သူ့ကို ချစ်တယ်
သူကျွန်တော့်ကိုချစ်တယ်
အဖြစ်နှစ်ခုမှကြားမှာ
ရှိတာတစ်ခုပဲရှိတယ်
နားလည်မှု့သံယောဇဉ်တွေအုပ်မြစ်ချ
သစ္စာတံတိုင်းအထပ်ထပ်ကာရံပြီး
မေတ္တာအမိုးအကာလေးနှင့်
အပြစ်တွေကို အချစ်နဲ့ပြင်ဆင်
အချစ်ကို တန်ဖိုးထား
ဘ၀မှာ ဘယ်တော့အခါမှ
အထီးကျန် ခြောက်သွေ့တဲ့ညတွေ 
မကြုံတွေ့မှာ အမှန်ပါပဲဗျာ  ။

လွင်ပြင်လှိုင်းငယ်
 

အမေ(ကျွန်တော်ရဲ့ သူရဲကောင်း)

Wednesday 2 May 2012

21 comments

ငွေရောင်တွေလွမ်း
ဆံဖြူတွေ ယှက်သန်း
သားကို လွမ်းတဲ့ အလွမ်း
တနင့်တပိုး ထမ်းထားရင်းနဲ့
 ဆံဖြူတွေက သားအတွက်ပူလို့
ဖြူရတာလားအမေ  ။

နံ့သာဖြူအဖွေးသာပေါ်
မျက်ရည်မြစ်တွေဖြာဆင်း
ရင်တွင်းက သောကပင်လယ်
သားကို မျှော်ရလွန်းလို့
လျှံကျတဲ့ အလွမ်းမျက်ရည်တွေရဲ့
စုရပ်လား အမေ  ။

အရိုးတွေဖြိုင်ဖြိုင်ကျ
အကြောတွေထောင်ထောင်ထလဲ
သားဘ၀ကာကွယ်ဖို့
 နှလုံးသားနဲ့ သွေး
သွေးစက်နဲ့ဆေးတဲ့
အမေ့လက်က
ဓါးတစ်လက်ထက်တော့ ထက်ပါတယ် အမေ   ။

ဗုံးခင်တဲ့လမ်းလဲလျှောက်ရဲတယ်
ကန္တရသဲကြမ်းမှာလဲ အိပ်နိုင်တယ်
သံရည်ပူလဲ သောက်ရဲတယ်ဆိုပေမယ့်
သားအတွက်တော့လေ
စိန်စီတဲ့လမ်းခင်း
ဖဲနုမွေ့ယာပေါ်သိပ်
မေတ္တာရေကြည်တိုက်လို့ရယ်
အရာရာ ပြီးပြည့်စုံတဲ့ ဘ၀မှာ ထားချင်တဲ့ အမေ  ။

ဒုက္ခတွေ ခါးစီးပြီးခံ
ခါးသီးခြင်းမိုးစက်တွေကြား
ကျောက်စလစ်ခင်းထားတဲ့လမ်းမှာ
ဖိနပ်မပါ ခြေဗလာနှင့်
ခြေဖ၀ါးမှာသွေးတွေ ယိုးစီးနေလဲ
သားဆိုတဲ့ အသိတစ်ခုနဲ့
ရှိသမျှအားအင်တွေသုံး
ရိုးသားခြင်းထီးတစ်လက်နှင့်
မာယာများတဲ့ လောကဓံကို ကြံကြံခံရင်း
လှပတဲ့ ဘ၀တစ်ခု သားမှာပိုင်ဖို့
အရာရာကို ရင်ဆိုင်ရဲတဲ့ အမေ  ။
(၀န်ခံချက်။    ။ ပုံကို google မှကူးယူပါသည်)


လွင်ပြင်လှိုင်းငယ်


Popular Posts

Popular Posts

Popular Posts2

Popular Posts3

စိတ်ကြိုက်အရောင်ကုဒ်လေးများ

အရောင်ရဲ့Code ယူရန် :