အမှတ်တရ ၉နှစ်တာကာလ

ရွက်နု ဖူးဝေ

ရွက်သစ် မာန်တက်

ဟန်ချက်ပျက်တော့

ရွက်ဟောင်း ဘ၀

မြေမှာခပြီး

ဘယ်ဆီရောက်လဲ

မသိပေမယ့်

ရွက်ကြွေတွေရေး

ရွက်သစ်ပြုတဲ့

ကျမ်းအစုကို

ရင်ဝယ်မှတ်သား

ချစ်အားပိုတာ

ကိုးနှစ်တိုင်ပြီ

သဲဘုစုရေ  ။

ချစ်ခြင်း ရင်ဝယ်

ကြင်နာနွယ်ရစ်

သစ္စာပျိုးကာ

ပင်စည်ကချစ်

ကိုင်းဖျားမေတ္တာ

သံယောဇဉ်ဖူး

နားလည်မှု့ပွင့်ဝေ

ဘယ်မကြွေသည့်

အချစ်ပန်း

နှစ်ထောင်သောင်း မညိုံနွမ်း

ဘုစုလေးကို ချစ်သည်တအား.......

 

၉နှစ်ပြည့်အမှတ်တရ(၁၇.၁၀.၂၀၁၄)

 

တင်တာနောက်ကျသွားတယ် ဘုစုရေ

 

လွင်ပြင်လှိုင်းငယ်

ကဗျာရှင်သို့

လွမ်းရိပ်ရယ် ပြို

တမ်းတကာငို

မှန်းမှန်းဆဆ

လွမ်းရပြန်တော့

ဒီမောင့်မှာငို ။

 

ကြင်နာခြင်းနွမ်း

နာကျင်စွာလွမ်း

ဝေဒနာလမ်း

လျှောက်ရပြန်တော့

ချစ်ခြင်းတွေအို ။

 

ပြိုတဲ့အလွမ်း

ငိုတဲ့နှလုံး

နွမ်းလျတဲ့ရင်

အသင်ရယ်

တခါတခေါက်

အရောက်လာပြီး

အရင်လိုပဲ

ချစ်ခြင်းဖွဲ့ ကဗျာတပုဒ်

စပ်ပေးစေချင် ။

 

လွင်ပြင်လှိုင်းငယ်

 

မီးအိမ်ရှင်မဟုတ်တဲ့အမြဲလင်းစေသူ

မီးအိမ်ရှင်ဘ၀နဲ့
ငါ့အနားငါ့အပါးမှာ
နင်မရှိစေချင်ဘူး
မီးအရှိန်နဲ့ နင်ပူမှ
ငါအလင်းရ
မှောင်ချိန်မှ သုံး
အလင်းရောင်မှာ နင်အထီးကျန်ဆန်မှာ
ငါစိုးလို့ပါ ။

မီးစာကုန် ဆီခန်း...
အမှောင်ပျိုးတော့
ဒီမောင်မှာ လမ်းပျောက်မလား
စိုးစိတ်နဲ့ တိုးတိတ်စွာ
နင်ငိုမှာမို့
မျက်ရည်စက်နဲ့
ငါ့အတွက် အလင်းတွေမထွက်ပါနဲ့ ။

ငါ့အတွက်တော့
နေရဲ့အလင်းလဲ နင်
ညရဲ့လမင်းလဲ နင်
ကြယ်တစ်ခင်းနဲ့
ပိုးစုန်းကြူလဲ နင်
အရာရာနင်ရှိမှ အလင်းဖြစ်တာမို့
တွယ်တာစွာ
မောင့်အနား
သံသရာတလျှောက် လိုက်ခဲ့ပါလားနော် ။

လွင်ပြင်လှိုင်းငယ်

တော တောင်

တောင်စွယ် တောတန်း
ပန်းရိုင်းပေါသည့်
စမ်းချောင်း လျှိုမြောင်
သားကောင်များလဲ
အေးသည့်အရိပ်
ကြည်တဲ့စိတ်ကြောင့်
တရားအားထုတ်
မြတ်သောစိတ်နှင့်
သောကတွေပျောက်
လောဘဘယ်ရောက်
မာန်မလျှောက်တဲ့
ဒီလမ်းလေးဟာ
အေးချမ်းသာယာ
တချိန်ကပါ ။

တောင်စွယ် ဘယ်ဆီ
တောတန်းမရှိ
ပန်းရိုင်းနံ့ကင်း
စမ်းချောင်းရှင်းသည့်
တောင်ဂတုံးမှာ
ဝမ်းရေး အတွက်
လောဘဖက်ပြီး
ခုတ်လိုက်သည့်ပင် (သစ်ပင်)
တူးလိုက် တွင်းထွက်
အမြစ်မကျန်
သစ်ပင်ငယ်တောင်
မထွက်ရဲပဲ
ဘယ်ဆီရောက်လို့
ဘယ်မှာပေါက်လဲ
သိသူရှိက
ပြောပြခဲ့ပါ ။

လွင်ပြင်လှိုင်းငယ်

အဌားရင်ဘတ်ထဲက ကဗျာ

လာပါ လာပါ ဆိုလို့
အချစ်တွေ တနင့်တပိုးထမ်းလို့
နင့်အနား မင်းရဲ့အပါး
ရင်ခုန်သံစီးလို့
အရောက်လှမ်းခဲ့တယ်

ပြန်ပါ ပြန်ပါ ဆိုတော့လဲ
အလွမ်းတွေ တပုံတပင်
မျှော်လင့်ချက် ဖိနပ်ခပ်ပါးပါးနဲ့
နောက်ကြောင်းပြန်နေတုန်း
မင်းပြောလိုက်တဲ့
နောက်ဆုံးစကားကတော့
အချစ်ကို ခုတုံးလုပ်လိုက်သလိုပဲ

ဘာတဲ့

အချစ်ဆိုတာ
လမ်းဘေးကရောင်းတဲ့
ဖရဲသီး တစ်စိတ်လောက်တောင်
မချိုမြိန်ဘူးတဲ့လား

ထားပါတော့
ချစ်တတ်တဲ့တနေ့
ဖရဲသီးတစိတ်က
မင်းအတိတ်ဘ၀က
ငါလို ကစားစရာ အရုပ်တွေအကြောင်း
ပြောပြလာပါလိမ့်မယ် ။

ရင်ဘတ်ငှားသည် (သတ်ပုံ အမှားများပါလျှင် ပြင်ဆင်ပေးကြပါ)

လွင်ပြင်လှိုင်းငယ်

အိပ်မက်လေး သို့........

မျက်လုံးချင်းနမ်းတတ်တဲ့
ဒို့နှစ်ယောက် အနမ်းမှာ
ကမ္ဘာမြေပြင်ဟာ
ခဏတာလောက် အိပ်စက်သွားပြီး
နှစ်ယောက်တည်း
တကမ္ဘာဖြစ်သွားသလိုပဲ
အိပ်မက်လေးရေ ။

နင့်ရဲ့ အသက်ရှူသံဟာ
ငါ့ရဲ့ အိပ်စက်ခြင်းဂီတမို့
ဂီတသံကြားမှ အိပ်စက်တတ်တဲ့
နှလုံးသားဟာ
နင်နဲ့ ဝေးဝေးနေလို့ ဘယ်ရပါ့မလဲ
အသက်ရှူသံနဲ့ အသက်ဆက်ပေးတဲ့
အိပ်မက်လေးရေ ။

အနမ်းတွေအစား
အလွမ်းတွေထား
မေ့သွားမှာလား
တနေ့တော့လို့
မျည်ရည်လယ်လယ်
နင့်အမေးစကားမှာ
နှလုံးသားမှာ
မခံစားသာလို့
ဝေးရမယ့်အကြောင်း
ကမ္ဘာပျက်ပြီး နောက်ရက်တောင်
မတွေးပါနဲ့လား
အိပ်မက်လေးရေ ။

လွင်ပြင်လှိုင်းငယ်

နွေ

စမ်းရေခမ်း

ပန်းတွေနွမ်း

လွမ်းစရာတွေများတဲ့ နွေ ။

ဥသြ တွန်ကြူး

မြောက်လေရူးနဲ့

ရွက်ဟောင်းလဲကြွေ ရွက်သစ်ဝေတဲ့ နွေ ။

အဖော်ကွဲသူ

အလွမ်းဒဏ်နှင့်

ပန်းခြောက်တွေ ကောက်နမ်းနေတဲ့ နွေ ။

ဖုန်လုံးကထူ

နေကပူတော့

သင်္ကြန်မိုးလေးတော့ မျှော်နေတတ်တဲ့ နွေ ။

လွမ်းမောစရာများတွေ နွေ

ပန်းတွေသဘောကိုသိတဲ့ နွေ

လန်းစရာများတဲ့ နွေ

နွမ်းလျမှု့တွေပျောက်စေတဲ့ နွေ

အဆိုးအကောင်း

အကျိုးအကြောင်းနဲ့

နွေကိုတော့ ငါချစ်သားနော် ။

လွင်ပြင်လှိုင်းငယ်

ပိတောက်

ပင်စည်က ခိုင်ခိုင်

ကိုင်းခက်တွေဖြိုင်ဖြိုင်နဲ့

ပင်စည်ဘေး

ခုံတန်းတွေချလို့ရယ်

အေးမြရိပ်ပေးတဲ့ အပင်  ။

တစ်နှစ်မှာတစ်လ

တစ်လမှာ တရက်

ခက်ခက်ခဲခဲ

ပွင့်ရှာရတယ်

သစ္စာရှင် ဒီအပင်

ဟို့ရှေ့ရှေ့တုန်းကပင်  ။

ရေမကူ မိုးမှာမပွင့်

ဆောင်းရဲ့ အေးဒဏ်

ကြံကြံခံလို့

နွေနေရဲ့ အပူပင်ကြားမှာ

အေးရိပ်တွေပေးပြီး

မိုးစက်လေး တဖြိုက်ဖြိုက်ကြားမှာ

ပွင့်ရရှာသလေ  ။

ရိုးတံဖြိုင်ဖြိုင်

ဖူး ငုံ စိမ်းစိမ်းနဲ့

ဝါရောင်တွေ သန်းပါလို့ရယ်

မွေးပျံတဲ့ ဒီရနံ့နဲ့

ရှားပါးသည့် ပန်း  ။

ရာသီရဲ့ ဒဏ်

လူတွေရဲ့ သီလ

ဒီသဘာဝတွေကြား

ဖူးပွင့်တာ အချိန်မမှန်တော့

ပြောကြပြန်သေး

သစ္စာမဲ့တဲ့ ဒီပန်းကလေး   ။

သစ္စာရှိတဲ့ ဒီပန်းရယ်လို့

တင်စားတာ လူ

ဖောက်ပြန်တယ်လို့

စွတ်စွဲတာလဲ လူ

ဒီအဖြစ် ဒီစနစ်တွေကြားထဲ

ပိတောက်မှာတော့ 

မျက်ရည် စက်လက်နဲ့ပေါ့  ။

လွင်ပြင်လှိုင်းငယ်

သင်္ကြန်အမှတ်တရ ကဗျာအဟောင်းလေးပြန်တင်ပါသည်။ ပုံကို googleမှကူးယူပါသည်။

အိပ်မက်သခင် ဘ၀ရှင်နင်ရေ

အိပ်မက်သခင်

ဘ၀ရှင်နင်ရေ

နင့်အပါးမှာ

အမြဲ ခစား

နင့်အနားမှာ

ထာဝရနေချင်သူမို့

နင်ရှိတဲ့ဘယ်နေရာမဆို

သေမင်းတောင်

ကြွေဆင်းတဲ့ ပန်းတစ်ပွင့်အလား

မြတ်နိုးနမ်းရှိုက်

အဆိပ်သင့်လဲ သေ၀ံ့သူပါ ။

အိပ်မက်သခင်
ဘ၀ရှင် နင်ရေ
အတွေးမှာ ရေးသမျှက
နင့်အတွက်ကဗျာ
လက်တွေ့မှာကြိုစားနေတာက
နင့်ဘ၀လှရန်
ထားတာက စေတနာ
အမှားပါလို့
ဝေဒနာ ဖြစ်ခဲ့ရင်တောင်
သေချာပါတယ်
အကြင်နာဆေးတစ်ခွက်
ငါမေတ္တာရည်နဲ့
သွက်သွက်လေး ဖျော်ကာပေးမယ် ။

အိပ်မက်သခင်
ဘ၀ရှင်နင်ရေ

အနေဝေးလို့

သွေးအေးမသွားတတ်သလို

အနေနီးလို့လဲ

ရိုးအီမသွားတတ်တဲ့

စစ်မှန်တဲ့ ချစ်ခြင်းဝိုင်တစ်အိုး

ငါ့နှလုံးသားမှာ မြုပ်ထားလိုက်မယ်

နင့်အတွက်

နှစ်ချို့လေ ပိုချိုလေပေါ့ ။

လွင်ပြင်လှိုင်းငယ်

ကာရံမလှပေမယ့် ဒဏ်ရာကင်းတဲ့ကျွန်တော်ကဗျာ

ရင်ခွင်တံခါးကို
အကြင်နာစွမ်းအင်နဲ့
နင်တစ်ယောက်တည်း
ဝင်ခွင့်ရအောင်
နှလုံးသားအဓိဌာန်ဝင်
မေတ္တာတွေ သက်သေထား

ချစ်ခြင်းရဲ့ တန်ခိုးနဲ့
ဘယ်တော့မှမကျိုးမယ့်
နှလုံးသားတံခါးချပ်
 ငါဆောက်ထားတယ် ။

နားလည်မှု့ အမျှင်ထုတ်
သံယောဇဉ်ကြိုးတုတ်တုတ်နဲ့
ငါဆုပ်ထားတဲ့
ချစ်ခြင်းစံပယ်တပွင့်ဟာ
ကမ္ဘာတည်သမျှ
မညှိုးနွမ်းမယ့်
ကဗျာသီတဲ့ ပန်းစံပယ်တစ်ပွင့်ရယ်လို့
ငါ့နှလုံးသား အချစ်သမိုင်းမှာ
မြတ်မြတ်နိုးနိုးရေသီခဲ့မယ် ။

အချစ်ကို အချစ်လို့
နာမည်တပ်နိုင်ယုံလောက်နဲ့
ချစ်တယ်ဆိုတဲ့ စကားတစ်ခွန်း
လျှာဖျားက အားယားပြီးထွက်လာတာမဟုတ်တော့
အချစ်ရဲ့ ဘော်ဘော်တွေဖြစ်တဲ့
ကြင်နာ မြတ်နိုး
ယုယ တွယ်တာ
နားလည် ပေးဆပ်
မှေးစက်စေချင်တာ
နှလုံးသားမွေ့ယာပေါ်မှာမို့
နှလုံးသွေးနဲ့ရေးတဲ့ကဗျာတိုင်း
နင့်အတွက် အချစ်တွေ အန်ချတဲ့
ကာရံမလှပေမယ့်
ဒဏ်ရာကင်းတဲ့
ကဗျာလေးလို့
နင့်စိတ်မှာထား

နှလုံးသားလေးနဲ့ ဖတ်ပေးပါ ။

လွင်ပြင်လှိုင်းငယ်

အတွေးလေးများ

ကောင်းတာဟာ လိုက်နာဖို့ခက်
မကောင်းတာက လုပ်ရန်လွယ်လို့
ကောင်းတာဟာ မကောင်းတာလို့မှတ်
မကောင်းတာ ကောင်းပါလားတွေးရင်း
လောကအလယ်
အမှားများလဲ
အများမှားတဲ့
ကမ္ဘာထဲမှာ
ငါတစ်ယောက်တည်းရောပြင်လို့ရမလားဆိုတဲ့

အတွေးဆိုးတွေ မောင်းထုတ်လိုက်ပါ ။

တရားသဘောတွေက
မှားယွင်းတဲ့ အမြင်တွေကို ကြည်လင်စေတဲ့
လောက မျက်မှန်တစ်လက်ဖြစ်သလို
ဘ၀ပညာတွေက
အပြုံးတွေခင်းကျင်းထားတဲ့ စားပွဲမှာ
 အဆိပ်တွေချကျွေးတာ မိတ်ဆွေလား
အပြုံးတွေမပါပေမယ့်
အမုန်းခံစေတနာနဲ့
သွန်သင်တာ  မုန်းလို့လား
သင့်အတွေးလေးတွေ မှန်စေသား ။

လွင်ပြင်လှိုင်းငယ်

အားမငယ်ပါနဲ့ လောကကြီးရယ်

ငိုရင်လွယ်
ရှိုက်ရန်ခက်
သေရင်လွယ်
ရှင်ဖို့ခက်
ချစ်ခြင်းအတွက်
စစ်ပွဲတွေဖြစ်နေသလို
မြစ်ပြင်မှာ
မီးထွန်းချင်သူတွေလဲရှိတယ်
မေတ္တာတွေရှင်သန်နေပေမယ့်
သစ္စာတွေကျွမ်းလောင်တော့
ချစ်ခြင်းတွေ ပြာတို့နယ်
လေအဝေ့ ဘယ်တကွေ့မှာ
ပျောက်သွားမှန်းမသိခဲ့ဘူး ။

ဟန်ဆောင်မျက်နှာဖုံးတပ်
မာယာတွေပွဲတော်ဆက်
မနာလိုမှု့တွေ ဆင်မြန်းရင်း
လူ့လောကဇာတ်ခုံ
ဖားက က ရင်း
ရိုးသားသူတို့ မျက်ရည်ပင်လယ်
အတ္တလှေနဲ့ ဇိမ်ခံစီးရင်း
ဒီဘ၀မှာ ပျော်နေသူလဲ ဒုနဲ့ဒေး ။

တစ်ကျပ်ရှိရင်
ငါးမူးလှူ
တစ်မတ်ဖိုးနဲ့
စားသောက်ရောင့်ရဲ
လက်ကျန်ကိုစုဆောင်း
လောကဒဏ်ဘယ်လောက်ထောင်းထောင်း
မပြောင်းတာ ရိုးသားတဲ့အားမာန်
ငတ်လို့သေရင်သေ
သတ်လို့မသေတဲ့
စိတ်ထားလှလှနဲ့
ဒါနတွေကျောပိုး
အများအကျိုးအတွက်
အသက်ရှင်နေသူတွေလဲရှိသေးတယ် ။

ထို့ကြောင့်
ထို့ကြောင့်
အကောင်းအဆိုးတွေ တွဲဖက်
နေထွက်နေ၀င်ရှိနေသေးလို့
အားမငယ်ပါနဲ့ လောကကြီးရယ် ။

(အခုတလောအလုပ်တွေများနေလို့ စာလဲမရေးနိုင် အိမ်လည်လဲမထွက်စာဖတ်ပေမယ့် ကော့မက်တွေမချန်ခဲ့နိုင်တာကို နားလည်ပေးကြပါရန်)

အားလုံးကိုလေးစားချစ်ခင်လျက်

လွင်ပြင်လှိုင်းငယ်

 

ချစ်ဇနီးအတွက် မွေးနေ့ကဗျာ

ဒီဇင်ဘာနှင်းတွေကြာမှာ

စံပယ်ဖြူ တစ်ပွင့်

ရိုးသားတဲ့ ၀တ်ရုံကိုဆင်မြန်းလို့ရယ်

စမ်းချောင်းရဲ့ ဂီတသံနှင့်အတူ

မွေးရနံ့တွေဖက်ဖျန်း

ဒီကမ္ဘာမြေပြင်ကို သူ ရောက်လာခဲ့တယ် ။

ကြင်နာတတ်ခြင်းအပြည့်

သည်းခံခြင်းအပေါင်း

ရင်တွင်းမှာအောင်းနေသူလေးမို့

ရိုးရိုးလေးပဲ အမည်ပေးခဲ့ဖူးတယ်

ဒီဇင်ဘာယုန်ဖြူလေးရယ် ။

ချူချူချာချာနဲ့ လူဖြစ်လာရပေမယ့်

အများတကာရဲ့ အကျိုး သယ်ပိုးဖို့ဆိုရင်

မြင့်မိုရ်တောင် အကြိမ်ကြိမ်တက်

အကြိမ်ကြိမ်ဆင်းရစေအုံးတော့

မမောမပန်း ပိတိအပြုံးပန်း

ထာဝရပွင့်လန်းနေတတ်သူ  ။

အများတကာအလယ်

သနားစဖွယ် ယုန်သူငယ်

ဆိုစေပေမယ့်

မတရားတာဆို

ကျားရဲတောလဲ

ရဲရဲဖြတ်ကျော် ရင်ဆိုင်ဝံ့သူ  ။

အလှူတွေရက်ရောတဲ့ သူ့လက်က

ကဗျာတွေလဲထွက်တယ်

စကားတွေမချိုတတ်ပေမယ့်

စေတနာတွေပိုတတ်တယ်

အရာရာကို ရိုးသားစွာမြင်တတ်သူမို့

ဒီကမ္ဘာမှာ တန်ဖိုးရှိတဲ့ ပန်းစံပယ်လေးမို့

ထာဝရ ချစ်မြတ်နိုးရလေတယ် ။

လွင်ပြင်လှိုင်းငယ်

ကမ္ဘာပျက်ရင်တောင် ကဗျာအသက်နဲ့ သူ့ရင်မှာရှိနေသူ

အထာကျ  မကျတော့ မသိဘူး
ကမ္ဘာပျက်မယ် ကမ္ဘာပျက်မယ်နဲ့
သတင်းစကားတွေ ကြားရတာကြာခဲ့ပေါ့
၂၁ ရက်နေ့မှာ ကမ္ဘာပျက်မယ်တဲ့
သက်ထက်ဆုံးမက
သံသရာဆုံးထိ
သူ တစ်ယောက်သာ
ချစ်ဖို့ ဆုံးဖြတ်ထားတဲ့
နှလုံးသားက
ခပ်ပြုံးပြုံးလေးပဲ ပြောလိုက်တယ်
ကမ္ဘာပျက်ပေမယ့်
သူ့ကိုချစ်တဲ့ အချစ်က ဘယ်သောအခါမှ
ပျက်မှာ မဟုတ်တဲ့ ။

သဘာဝကျ မကျတော့ မသိဘူး
ကမ္ဘာပျက်မယ်ဆိုရင်
ခန္ဓာတွေ ပျက်သုန်းသွားနိုင်ပေမယ့်
ချစ်ခြင်းတရားတွေ ဒီကမ္ဘာပေါ်မှာ
 ကျန်ရစ်နေခဲ့လိမ့်မယ်
အမုန်းစကားတွေ ဘယ်သူမှ ကြားနိုင်တော့မှာ
မဟုတ်သလို
အပြုံးတွေနဲ့ ဒီကမ္ဘာကို
သူ့လက်ကို တွဲပြီး ရဲရဲကြီးနှုတ်ဆက်သွားပါ့မယ် ။

ဖြစ်နိုင် မဖြစ်နိုင်
အငြင်းစကားတွေနဲ့
အချိန်တွေမဖြုန်းမနေတော့ဘူး
မရေရာတဲ့ သတင်းစကားတွေနဲ့
ဘယ်သူ့နှလုံးသားကိုမှ
လိပ်ပြာမလွင့်စေချင်လို့
ယုံကြည်ချက်တစ်ခုတော့
ကမ္ဘာမြေသိအောင်တိုင်တည်ချင်နေမိတယ်
ချစ်ခြင်းတွေရှိနေသေးတဲ့ ဒီကမ္ဘာမှာ
စစ်မီးတွေဘယ်လောက်ပဲလောင်လောင်
သိပ္ပံပညာရှင်တွေဘယ်လောက်ပဲ တော်တော်
ပျက်စီးခြင်းမရှိသေးတဲ့
ဒီနေ့ကမ္ဘာကို
မနက်ဖြန်ပျက်မယ်ဆိုတာ မသေချာသေးလို့
ဘုရားဟောတဲ့ တရားတွေ နှလုံးသားမှာ မှတ်
သူ့လက်ကို တင်းတင်းဆုပ်ပြီး
၂၁ရက်ကို မထူးခြားတဲ့ရက်လို့
အသိတရားထဲထည့်
၂၂ရက်နေ့မှာ
မိတ်ဆွေတို့ရဲ့
ခံစားချက် ရသ ကဗျာတွေ
ကျွန်တော့်တို့ နှစ်ယောက်လာဖတ်ပါ့မယ် ။

လွင်ပြင်လှိုင်းငယ်

ချိုချိုချစ်အတွက် ခြောက်နှစ်မြောက်မင်္ဂလာဆုတောင်း

ချစ် တတ်တဲ့ အရွယ်
ကို ယ့်ရင်မှာဝယ်
ကို ယ့်ရင်မှာ ရင်ခုန်သည်မှစ
ငြိမ်း အေးစေတဲ့
မင်း ရဲ့ရုပ်လွှာ
အေး မြစေပြီး
ခြောက် ကပ်တဲ့ကိုယ့်ဘ၀ထဲ
နှစ် ပေါင်း ထောင်ချီ
ကျော် ကြားတဲ့ ရမ္မက်ကင်း
သံ သရ ကင်းကင်း
သ ဘောဖြူဖြူ
ရာ သက်ပန်
အ ချစ်ဆုံးအဖြစ်
ဆက် နွယ်တဲ့ ရှေ့ရေစက်
ဆက် သွယ်တဲ့ ရင်ခုန်သံ
ပေါင်း ဖက်လို့ရယ်
ဖက် တွယ်တာ  မေတ္တာရယ်မို့
စေ ခိုင်းတာ နှလုံးသားစကား
သာ သည်နာသည်မရှိ ချစ်ပါရစေသာ ။

ချိုချိုချစ် အတွက် ခြောက်နှစ်မြောက် မင်္ဂလာဆုတောင်း

လွင်ပြင်လှိုင်းငယ်

နှလုံးသားလွင်ပြင်ပေါ်မှ တပွင့်တည်းသောပန်းစံပယ်

သံယောဇဉ်တွေ

ထပ်ထပ်ပေးပြီး

ချစ်ခြင်းရဲ့ မြက်ခင်းလေးမှာ

အတ္တကင်းတဲ့

ရိုးသားတဲ့ ခြေလှမ်းတစ်စုံနဲ့

ငါ့ရင်ခွင်နန်းကို

နင်ဝင်လာတုန်းက

ကာရံနမ်းတဲ့

ကဗျာပန်းတွေ

စံပယ်ရနံ့နဲ့

ထုံထုံသင်းတာ

ငါ့နှလုံးသားလွင်ပြင်ပေါ်မှာဝယ် ။

မချစ်ဖူးလို့

အချစ်ရူးတာ မဟုတ်ပါဘူး

မဖြစ်ဖူးတဲ့

သံယောဇဉ်ထူးမို့

မေ့လို့မရ

အမုန်းသင်ခန်းဆိုတာ

နှလုံးသားက သင်ခွင့်မပြုတဲ့

တားမြစ်စာမျက်နှာမို့

အလွမ်းအစား

အနမ်းတွေပြည့်တဲ့

နှုတ်ခမ်းဖျားက

မုသား ပလီပလာတွေ 

မဆိုးထားမှတော့

နှလုံးသားစကား

တိုက်ရိုက်ကြား

အမှားတွေကင်း

ဆူးတွေရှင်းတဲ့

ပန်းစံပယ်က

နှလုံးသားလွင်ပြင်မှာ

အပြည့်စိုက်ထား

ဒါကို အရူးတစ်ယောက်လို့ ခေါ်မလား ။

ငါအမှားတွေရှိပေမယ့်

နားလည်မှု့တွေ ထားတတ်တဲ့

နင့်ရဲ့ ဖြူစင်တဲ့ နှလုံးသားပေါ်ဝယ်

အရောင်လဲ မဆိုး

ဒဏ်ရာမပေး

ဝေဒနာ ဟို့..... အဝေးပြေးစေပြီး

နှလုံးသားနှစ်စုံ

ချစ်ခြင်းတစ်စုံနဲ့

နှစ်ယောက်တစ်ဘ၀

ခဏလေးတောင်

ဝေးမနေနိုင်ပေါင် ။

လွင်ပြင်လှိုင်းငယ်

 

အလွမ်းရဲ့ ငိုသံနဲ့ ပြောတဲ့စကား

 ချစ်သူ
ကောင်းကင်က တိမ်ငိုသံဟာ
အမြဲမဟုတ်ပေမယ့်
ငါ့ရင်က
နင့်ကို လွမ်းတဲ့နှလုံးသားငိုသံတွေရင်ခွင်လွင်ပြင်ပေါ် ရွာသွန်းတော့
လွမ်းဆွေးခြင်း မြစ်ငယ်
ဆယ်ကမ္ဘာခြားလဲ
မပြတ်စီးဆင်း
နှလုံးသားမှာ အလွမ်းအိုင်ဖြစ်နေပါပြီ ချစ်သူ ။  နှင်းတွေမြူတဲ့
ဆောင်းမနက်မှာ
တွဲလက်တစ်စုံနဲ့
ချစ်ခင်သူတို့ရယ်
ဆီးနှင်းတွေ ချစ်ရည်လူးတော့
အေးစက်တဲ့ ငါ့လက်တစ်စုံက
နှလုံးသားကို မျက်နှာငယ်လေးနဲ့ကြည့်နေရှာတယ်
တွဲလက်က နှုတ်မဆက်ပဲထွက်ခွာသူရေ ။  ကောင်းကင်ကကြယ်တခင်းအမြဲမလင်းပေမယ့်ငါ့ရင်ကနင့်ကိုချစ်ခြင်းကတော့နှလုံးသွေးတွေရပ်အိပ်မက်တွေ လွင့်ပျောက်သွားလဲနင်က သံသရာတလျှောက်ငါ့နှလုံးမှာထင်ကျန်နေမယ့်ချစ်ခြင်းကျောက်ဖြစ်ရုပ်ကြွင်းသစ္စာရဲ့ အလင်းတံခါးလေးတစ်ခုပါ ။   အနေမနီးပေမယ့် ဖြေတွေးစရာရိုးသားတဲ့ နင့်ရဲ့စိတ်ထားဓါတ်ပုံငါ့မှာရှိတယ် ရေမြေခြားနေလဲအတွေးမှာ နင်ကအမြဲရှိတော့အလင်းမှာ နင်ကအရိပ်အမှောင်မှာ မနေ့ကအတိတ်နင့်အကြောင်းများနဲ့အိပ်စက်တော့လဲအိပ်မက်မှာ နင်ကရှိတော့ဝေးတယ်မထင်အမြဲအနီးအနားငါ့အပါးမှာ နင်ကရှိနေတာပါဟာ ။  ဝေးမယ့်အဖြစ်ကိုမတွေးထားပေမယ့်ဆွေးရတဲ့ရင်မှာ ခံနိုင်ရည်ကိုအချိန်နဲ့ ကုစားနီးရမယ့် တချိန်မှာပြောင်းလဲခြင်းတရားတွေနင့်ရင်မှာ  မရှိပါစေနဲ့လို့တောင်းဆုတွေခြွေရင်းမနေ့ကထက်ဒီနေ့က နင်နဲ့နီးဖို့ပိုနီးသွားပြီပေါ့ ။    လွင်ပြင်လှိုင်းငယ်     

နှစ်သိမ့်ကဗျာ

နာကျင်နေချိန်
ကြင်နာဖူးတဲ့
သူ့ရဲ့ ယုယ
ပြုစုမှု့တွေး
နှလုံးသားကို
နားလည်မှု့တွေ
ချကျွေးလိုက်တော့
နာကျင်တယ်ဆိုတာ
ဒဏ်ရာမဟုတ်တော့ဘူးပေါ့ ။

သူကပစ်ပြေးပေမယ့်
အချစ်ကြွေးတွေ
ရှေ့ဘ၀ကထင်ကျန်
ငါ့အမှားများလို့
ထားသွားပါလား
ဖြေတွေးတွေးရင်း
အမုန်းမျိုးစေ့
ရင်မှာမကြဲ
မစဲတဲ့အချစ်မိုးနဲ့
နှလုံးသားကို စိမ်းလန်းပါစေ ။

ကိုယ့်ရဲ့ လိုအင်ဆန္ဒထက်
သူ့လိုချင် တက်မက်
ချစ်ခြင်းများအတွက်
ဘ၀ကိုပေးရင်း
နှလုံးသားနှစ်ခု
ဦးနှောက်နဲ့ ဂရေဆက်ပြီး
လူ့အလိုနတ်မလိုက်နိုင်ပေမယ့်
သူ့အလို ကိုယ်လိုက်နိုင်အောင်ကြိုးစား
အမှားတွေရှိရင်
အမှန်ဖြစ်အောင်
ကြိုးစားပြုပြင်ရင်း
ဘ၀အလင်းတံခါး
အတူတူတွန်းဖွင့်ထား ။

လွင်ပြင်လှိုင်းငယ်

အချစ်ရဲ့ စေတမန်

အဝေးအနီးရဲ့ သဘောက
ဘာလဲ ?
ဝေးတယ်ဆိုတာ အတွေးမှာ
တကယ်မရှိလို့သာဝေးနေတာပါ
ဘယ်လောက်ပဲဝေးဝေး
နှလုံးသားကိုခုန်စေတဲ့
သွေးကြောမျှင်ဟာ နင်ဖြစ်နေလေတော့
ငါ့ကမ္ဘာမှာ အနေဝေးပေမယ့်
သေချာတာ နင်က ငါ့အနီးဆုံးရင်ခုန်သံလေးပါ  ။

အချစ်သဘောကို
အပြည့်အ၀နားမလည်ပေမယ့်
ဖြည့်လေ ဖြည့်လေ မပြည့်တဲ့
နင့်ကိုချစ်တဲ့ ချစ်ခဲ့ခြင်းတွေ
သိုသို သိပ်သိပ်နဲ့
မယိုဖိတ်အောင်
ငါ့နှလုံးသားအိုးထဲကို
စက္ကန့်တိုင်း ဖြည့်နေတယ် ချစ်သူရယ် ။

အလွမ်းတွေထမ်း
မျှော်လင့်ချက်ကို ဖက်တွယ်
နင့်အချစ်ရဖို့အရေး
လမင်းဆီမှာ နင်ရှိရင်တောင်
နှလုံးကို အတောင်တတ်
မရောက်ရောက်အောင် နင့်ထံတော်ပါး
ငါပျံသန်းခဲ့မယ် ချစ်သူရယ် ။

 နင်သာပျော်မယ်ဆိုရင်

 တိမ်တွေခင်းတဲ့လမ်းမှာ
ကြယ်စင်တွေအလင်းနဲ့
လမင်းအောက်မှာ
ငါတို့နှစ်ယောက်လျှောက်ကြတာပေါ့ ။

နင်အလိုရှိရင်

ကောင်းကင်ကို ဖြဲဆုတ်

စာအုပ်ချုပ်ပြီး

ငါ့နှလုံးသွေးစက်များနဲ့ရေး

နင့်ကဗျာစာအုပ်လေးလဲ လှစေပါ့မယ် ။

အလင်းရှိမှ အရိပ်ရှိသလို

 အတိတ်ရဲ့ မနက်ဖြန်တိုင်း

နင်က ငါ့အရိပ်တစ်ခုပေါ့ 

စောင့်စားသူအတွက်

အချိန်က လိပ်သွား သွားသလို

အလွမ်းတွေဖက်အိပ်တဲ့ညတွေကလဲ

တိတ်တိတ် ကလေးကြယ်ကြွေတွေနှင့်အတူ

အထီးကျန်ညတွေရှည်လျားလွန်းပေမယ့်

နင့်အချစ်မိုးတွေ နှလုံးသားမှာ

ရွာသွန်းမည့်နေ့

နွေခေါင်ခေါင်လဲ ငါစောင့်နေပါ့မယ် ချစ်သူ ။

မှတ်ချက်။        ။သူငယ်ချင်းတစ်ယောက်အတွက် ရင်ဘတ်ဌားထားပါသည် ။

လွင်ပြင်လှိုင်းငယ်

ကလေးတစ်ယောက်ရဲ့ ရှေ့ရေး

အငိုနဲ့စတဲ့လူ့ဘ၀

ငိုကြွေးခြင်းအခမ်းအနားနဲ့ ဆုံးတာ

သဘာဝဆိုပေမယ့်လဲ
အပြုံးတွေ ပန်ဆင်
မေတ္တာ ၀တ်ရုံနွေးနွေးလေးဝတ်ပြီး
လက်ထဲကို ဓါးထည့်သူကထည့်
အားထည့်သူကထည့်နဲ့
ဘ၀မှာ ပျော်စရာများလှသူတွေလဲ
အများသားနော် ။

အငိုနဲ့စ
ဝမ်းနည်းမှု့ခြေလှမ်းနဲ့
ဘ၀စာမျက်နှာလေးများလှလာမလား

မျှော်မှန်းရင်း

ကြည်နူးဝေဖြာ ပိတိများနှင့်

မိဘမေတ္တာလောကရုပ်ရှင်ကိုမြင်တွေ့ရင်
ရင်နာစရာအဖြစ်နဲ့
အမေ ဘယ်ဆီ အဖေဘယ်ဝယ်နှင့်

ကောင်းကင်ကြီးကိုမော့ကြည့်သူကကြည့်
မြေကြီးကို ငုံကြည့်သူကကြည့်နဲ့
ထွက်စရာမျက်ရည်တောင်
အစာရေစာမ၀လို့
ပေါပေါသီသီမထွက်နိုင်သူ
မိဘမဲ့ကလေးတွေလောကမှာ ဒုနဲ့ဒေးပါလား ။

ရှေ့ဘ၀က ကောင်းမှု့ကြောင့်
ဒီဘ၀မှာ လိုတရသူတွေများပေမယ့်
နောက်ဘ၀မှာ ကောင်းဖို့
ဒီဘ၀မှာ လှူချင်ပေမယ့်
အတူနေရတာ ဒုက္ခဆိုတော့
နောက်ဘ၀ဆိုတာရှိမှာကို ကြောက်သူလဲရှိနေမပေါ့ ။

ကျောင်းစာတွေအံနေတဲ့
ပျော်ရွှင်သူတွေရှိနေသလို
ကျောင်းတော်ကြီးဘေးမှာ
ချောင်းနေတာ
ဘယ်သူများ ပလက်စတစ်(သို့မဟုတ်)
စားစရာလက်ကျန်မုန့်လေးများပစ်မလားနဲ့
မျှော်လင့်ချက်လက်ကျန်လေးနဲ့
ဝမ်းတထွာအတွက် ဘ၀စာသင်နေသူများလဲ
ရှိနေလေရဲ့ ။

 

ကံရေးမလှ 

ဘ၀ပေးအခြေအနေက စုတ်ချာနေတော့

ကလေးတစ်ယောက်ရဲ့ မျက်ရည်စက်တွေ

ဝမ်းနည်းမှု့ နာကျည်းချက်တွေက

အမှိုက်ပုံဘေး

ပလက်ဖောင်းဘေးမှာ

ဘယ်သူမှမတွေ့ပဲ ကျော်ဖြတ်ခံ

အနင်းခံနှင့် ဘ၀မှာ

မျက်ရည်မြစ်ထဲ ကူးခတ်ရင်း

ဝမ်းစာအတွက် ရိုးသားနေတဲ့ 

ကလေးတွေအများကြီးပါလားနော် ။

ဘာပဲဖြစ်ဖြစ်

ကလေးတစ်ယောက်ရဲ့အတွေး

မနက်ဖြန်တိုင်းမှာ

မျှော်လင့်ချက်ရှိဖို့

ဘာမှမပေးနိုင်ရင်တောင်

အပြုံးလေးတစ်ပွင့်

အားရှိမယ့် စကားလေးတစ်ခွန်ဖြစ်ဖြစ်နဲ့

နှစ်သိပ့်ပေးမယ်ဆိုရင်

မိဘမဲ့ပေမယ့် ဘ၀ကိုရဲရဲဖြတ်ကျော်

လောကမှာ အလှပန်းတွေတိုပွားပွင့်လို့နေမှာပေါ့ ။

လွင်ပြင်လှိုင်းငယ်