ကဗျာတွေစုပ်ယူထားတဲ့ ပန်းစံပယ်ရဲ့ ရနံ့သင်းသင်းလေးနှင့် စိမ်းစိုနေသော ကဗျာလွင်ပြင်ကျယ်

မ.........သို့

Thursday, 17 October 2013

10 comments
ရနံ့သင်းထုံ
 ရောင်သွေးလဲစုံ
 မြတ်နိုးသူပုံလို့
 သူမေမှာမာန်တက်တယ်
 မထင်ရက် ယုံ ။
 
 အမြင့်မှာမစံ
 မြေမှာလဲမခ
 ပန်းတို့ထုံးစံ
 စုန်ကန်လို့ထ
 မာန်မာနနဲ့
ခူးချင်သူတိုင်း ခူးရရိုးလား
ဆူးအတက်နဲ့
ကာကွယ်ထား ပုံ ။
 
အိန်ဂျယ် တိမ်ကွယ်က
စောင့်ရှောက်ထားစေအုံး
ရနံ့သင်း အဆင်းလှမှာ
ဒီကြယ်မှာ ကြွေကာကျတော့
ဆူးပဲဆူးဆူး ရူးပဲရူးရူး
ဒဏ်ရာမပေါ် ဝေဒနာမျိုးနဲ့
ဆယ်ခါပြန်မက သေပြလိုက်ယုံ
မ.........ကို ချစ်လို့မကုန်   ။
မှတ်ချက်။      ။သူငယ်ချင်းတစ်ယောက်အတွက် ရင်ဘတ်ခ
ဏဖောက်လိုက်သည် ။
 
လွင်ပြင်လှိုင်းငယ်

ဆန္ဒတစ်ခုရဲ့ဆုတောင်းလွှာ

Friday, 4 October 2013

4 comments
ဥတုသုံးပါး
အပြုံးရှေ့ထား
အကြင်နာပွားများ
မေတ္တ္တာထားပြီး
သက်ရှိတွေလဲ
ကျန်းမာပါစေ
သက်မဲ့တွေလဲ
မပျက်ဆီးစေပဲ
ကမ္ဘာတခွင်
ရန်မီးလဲငြိမ်း
သစ္စာတွေကိန်း(ကိန်းဝပ်)
အမှားများထိန်းလို့
အမုန်းတရားကင်းကင်း
ဒေါသရှင်းရှင်းနဲ့
ယနေ့နှင့်မနက်ဖြန်တိုင်းမှာ
ငြိမ်းချမ်းရေးမိုးတွေ ရွာစေသား......
 
 
လွင်ပြင်လှိုင်းငယ်

အချစ်ဆိုတာ နင့်မိခင်လား

Thursday, 26 September 2013

1 comments
ကာရံတွေသက်ပြင်းချတဲ့ညက
ကြယ်တာရာတွေ စောင်ခြုံကွေးလို့
 မိုးတိမ်တလိမ့်လိမ့်နဲ့
လမင်းတောင် ညပျောက်နေလေရဲ့ ။
 
ကြင်နာသူက နာကျင်သူအဖြစ်ထားခဲ့ပြန်တော့
ဒဏ်ရာမပေါ်တဲ့ ဝေဒနာအတွက်
ဘယ်သူကများဆေးစွမ်းတစ်လက်
ဖော်စပ်ပေးနိုင်မှာလဲ ။
 
သံသယမြေဆီလွှာပေါ်မှာ
အချစ်သစ်ပင်ဆိုပြီး
ခနော်ခနဲ့တိုးထွက်လာမှတော့
ဒီသစ်ပင်ဟာ ဘယ်လိုကြီးထွားရှင်သန်ရမလဲ ။

အတွေးတွေ ဟိုရောက် ဒီပေါက်နဲ့
ရင်ဘတ်အောက်က နှလုံးသားကို
ဓါးတုံးတုံးထောက် မေးကြည့်မိသည်
အချစ်ဆိုတာ နင့်မိခင်လား ။
 
လွင်ပြင်လှိုင်းငယ်

မီးအိမ်ရှင်မဟုတ်တဲ့အမြဲလင်းစေသူ

Thursday, 29 August 2013

7 comments
မီးအိမ်ရှင်ဘ၀နဲ့
ငါ့အနားငါ့အပါးမှာ
နင်မရှိစေချင်ဘူး
မီးအရှိန်နဲ့ နင်ပူမှ
ငါအလင်းရ
မှောင်ချိန်မှ သုံး
အလင်းရောင်မှာ နင်အထီးကျန်ဆန်မှာ
ငါစိုးလို့ပါ ။

မီးစာကုန် ဆီခန်း...

အမှောင်ပျိုးတော့
ဒီမောင်မှာ လမ်းပျောက်မလား
စိုးစိတ်နဲ့ တိုးတိတ်စွာ
နင်ငိုမှာမို့
မျက်ရည်စက်နဲ့
ငါ့အတွက် အလင်းတွေမထွက်ပါနဲ့ ။

ငါ့အတွက်တော့
နေရဲ့အလင်းလဲ နင်
ညရဲ့လမင်းလဲ နင်
ကြယ်တစ်ခင်းနဲ့
ပိုးစုန်းကြူလဲ နင်
အရာရာနင်ရှိမှ အလင်းဖြစ်တာမို့
တွယ်တာစွာ
မောင့်အနား
သံသရာတလျှောက် လိုက်ခဲ့ပါလားနော် ။

လွင်ပြင်လှိုင်းငယ်

ပိစိကွေးသို့ စာတစ်စောင်

Friday, 21 June 2013

8 comments
ပိစိကွေးရေ......
ညနေခင်းတိမ်တွေညွှန်ရာ အနောက်ဘက်ယွန်းယွန်းကိုကြည့်လိုက်တော့
ပုဇွန်ဆီရောင် တိမ်လွှာတွေက ငါ့ကို ဗိုက်ဆာစေတယ်ဟာ ဘာကြောင့်လဲဆိုတော့
ပုဇွန်ဆီရောင်မြင်တော့ ပုဇွန်ဆီပြန်ဟင်းလေး သတိယမိလို့ပါ ။
ဟော....ကြည့်စမ်း ငှက်နှစ်ကောင်အိက်ငိုက်နေတဲ့ နေမင်းကိုနောက်ခံထားပြီး ဓါတ်ပုံရိုက်နေပြန်ပြီ
ဧကန ဖဘ မှာတင်မလို့ထင်တယ် ။ သူတို့ကို မနာလိုဖြစ်လိုက်တာ ငါတို့တုန်းက
လူမြင်မှာစိုးလို့ အမှိုက်ပုံနောက်ခံထားပြီ ဓါတ်ပုံခဲ့ကြတာ ဖြစ်ချင်တော့ ဓါတ်ခဲကုန်နေလို့
ပိစိကွေးနဲ့ မရိုက်လိုက်ရပေမယ့် ဓါတ်ခဲဝယ်ပြီးအိမ်အပြန် ဖက်တီးနဲ့ တအားဖက်ပြီးရိုက်လိုက်တာ ဒီကောင်ကိုက်လိုက်တဲ့ ဒဏ်ရာအခုထိကျန်နေဆဲပါ ။

အတိတ်အကြောင်းတွေတူးဆွလိုက်တာ ရတနာတွေ မတွေ့ပဲ ဘယ်ကောင်ဖင်သရမ်းသွားလဲ
မသိဘူး ထွီး...နံ့လိုက်တာ....အတွေးနယ်ချဲ့လိုက်တာ အင်ပါယာမဖြစ်လာပဲ အင်ပြင်တွေထလာသလို ယားကျိကျိဖြစ်လာတယ် အိပ်ငိုက်နေတဲ့ နေမင်းလဲ ဘယ်ကို
ဒိုင်ပင်ပစ်သွားပြီလဲမသိတော့ဘူး ။ အခုတော့ ငါ မြင်နေရတဲ့ ပတ်ဝန်းကျင်ကို မဟူရာက
သိမ်းပိုက်လိုက်ပြီပေါ့ မဟူရာဆိုလို့ နင့်အိမ်က မြင်းကြီးရောရှိသေးလား ဒီကောင်ကန်လိုက်လို့
ငါ့ရဲ့တထောင့်တနေရာမှာ ဒဏ်ရာရခဲ့တာကိုတော့ ရေသွန်တိုင်း နာကြည်းစွာဒင်းကို သတိယမိတယ် ။
အော် ကောင်းကင်ကိုမော့ကြည့်လိုက်တော့လမင်းကြီးက ထိန်ထိန်သာလို့ ကြယ်စင်တွေက မှိတ်တုတ်မှိတ်တုတ်နဲ့ အေးချမ်းလိုက်တာ ပိစိကွေးရယ် နင်ပြောဖူးတယ်လေ လမင်းကြီးက ကမ္ဘာပေါ်မှာ
ရှိတဲ့နိုင်ငံတွေ မှိတ်တုတ် မှိတ်တုတ်ကြယ်လေးတွေက ဒို့နိုင်ငံ ဒါကြောင့်နင်စာမေးပွဲကျပြီး နင့်အိမ်မီးလောင်တာလို့ပြောခဲ့တယ်လေ မဆီမဆိုင် မှိတ်တုတ် မှိတ်တုတ်ကြယ်နဲ့ နင်စာမေးပွဲကျ အိမ်မီးလောင်တာလဲမေးတော့ နင်က ဆိုင်တာပေါ့ ငါပြောတာက သူများနိုင်ငံမီးတွေလင်းလို့ဒို့နိုင်ငံကလျှပ်စစ်မီးက မလာနှစ်ရက်
လာတမနက်ဆိုတော့ ဖယောင်းတိုင်နဲ့ စာကျက်ရင် အိပ်ငိုက်ပြီး အိပ်ပျော်သွားလို့ အိမ်မီးလောင်တဲ့အပြင် စာမေးပွဲပါကျတာပေါ့လို့ ရန်ဆောင်ရင်ပြောပြတာ အခုထိမှတ်မိနေသေးပါတယ် ။

ဒီလိုညမျိုးမှာ နင့်အတွက်ကြယ်ကြွေတွေမကောက်ပေးနိုင်ပေမယ့် ခရေခြေရင်းက
အများမနင်းခင် နင့်အတွက် ခရေးတွေကောက် သီကာကုံးပြီပန်ပေးမယ်လုပ်တော မနှစ်က
နင့်အဖေအရက်ဖိုးမရှိလို့ နင်အိပ်နေတုန်း နင့်ဆံပင်တွေဖြတ်ရောင်းလိုက်လို့ ဆံပင်ငုံးစိစိနဲ့မို့
ရှက်အားပိုပြီး မျက်ရည်တွေကြားက နင်ဂတုံးတုံးတာမြင်ရတော့ ငါ နင့်ကိုသနားလိုက်တာ ။
ဒါကြောင့်ဒီခရေတွေလဲ နေမြဲတိုင်းနေပါစေတော့ ။
အော်ဘာလိုလိုနဲ့ အအေးဓါတ်က ငါ့ကိုပြေးဖက်လာတော့ လမ်းလျှောက်ရင်းနင့်အကြောင်းတွေးတာနားပြီး အိမ်ထဲဝင်ပြီး အွန်လိုင်းတက် fbကနင့်စာမျာက်နှာတွေကြည့်တော့မယ်ဟာ...နားမလည်တာတစ်ခုတော့ရှိတယ် နင်နဲ့ငါဝေးတာ
၁နှစ်ကျော်ကျော်လောက်အတွင်းမှာ နင်ဒီလောက်လှလာလိမ့်မယ်လို့ငါမထင်ဘူး...fbကနင့်စာမျက်နှာမှာတင်ထားတဲ့နင့်ပုံတွေက
ငါတောင်မမှိတ်လောက်အောင်ဖြစ်နေတယ် နင်ကမျက်ပေါက်ကျဉ်းကျဉ်းနဲ့မို့ နင့်အဖေ အညာသားက
နင့်အမေကိုမူးရင်ရန်လုပ်တယ်လေ ဘာလဲ ဘယ်တရုတ်နဲ့ဘာညာဆိုပြီးလေ အဲ့လောက်ကျဉ်းတဲ့
မျက်ပေါက်ကဓါတ်ပုံထဲမှာ ပြူးဝိုင်းလေးနဲ့ လှနေပါ့လား...၀က်နှာခေါင်းလေးကလဲ နှာတံလေးစင်းလာသလိုလို ကြွက်သွားလေးတွေတော့ ဘယ်လိုရှိမှန်းမသိဘူး နင့်ပုံတွေက သွားပေါ်တဲ့ပုံမပါလို့ ပြီးတော့ နင့်ရဲ့ ဆံပင်တွေက ဒီလောက်ပဲ
အရှည်မြန်လား ဘယ်လိုခေါင်းလျှော်ရည်တွေ ခေါင်းလိမ်ဆီတွေလိမ်းလိုက်တာလဲ တကယ့်အံ့ဖွယ်ပါပဲ ထားတွေထားပါတော့ ဓါတ်ပုံဆရာတော်တယ်ပဲ သဘောထားလိုက်ပါ့မယ် ။နောက်တစ်ခုက နင်ငယ်ငယ်တုန်းကအတိုင်းပဲ အကြွားသန်တုန်းပဲနော် ဘာတဲ့fbမှာ မနက်မနက်ဆို
မေမေပြင်ပေးတဲ့ မနက်စာဆိုပြီ ဘယ်ကပုံတွေလျှောက်တင်မှန်းမသိဘူး နင့်အမေက စောစောစီးစီးထပြီး အကြော်ရောင်းသွားတာ အကြော်ကျန်နဲ့ ထမင်းကြမ်းနင်စားရတာ
ငါသိပါတယ် ငါလဲဘ၀တူဆိုပေမယ့်အဲ့လိုတော့မကြွားတတ်ပါဘူး ...နောက်တစ်ခု ဘယ်ကဌားလာမှန်မသိတဲ့ အိုင်ဖုန်းနဲ့ဓါတ်ပုံရိုက်ပြီး မွေးနေ့က ဒယ်ဒီဝယ်ပေးတာဆိုတာကပါသေးတယ် ငါသိတာတော့ ဒီလိုမိုးရာသီဆိုနင့်အိမ်နောက်ဖေးက
အိုင်ကို နင်အဖေပက်နေတာတော့သိတယ် သူအရက်မြည်းဖို့လေ နောက်တစ်ခါတင်ရင် ဒယ်ဒီဝယ်ပေးတဲ့ အိုင်ပက်လို့ရေး.....တော်ပါပြီ နင့်အကြောင်းအမှန်တွေရေးလို့ နင်ငါ့ကိုမုန်းသွားပါအုံးမယ်....တစ်ခုတော့မှာရအုံးမယ် နင့်အမေကပြောတယ် ဘာအလုပ်မှ
မလုပ်ပဲ အင်တာနက်ဆိုင်မှာအချိန်ကုန်နေတယ်ဆို အင်တာနက်ဆိုင်မှာလဲအကြွေးတွေမနဲဘူးဆို
ဒါနဲ့များ နင်မသိတဲ့အကောင့်နဲ့ ငါနင့်ကိုမေးတော့ အိမ်က အင်တာနက်လိုင်းက သိပ့်မကောင်းလို့ တခါတလေ မပြောပဲ ကျကျသွားတယ် လိုင်းအသစ်ထပ်ယူခိုင်းရမလေးဘာလေးနဲ့....
ကဲငါလဲ နင့်အတင်းအဲလေ နင့်အကြောင်းတွေးရင်း သူငယ်ချင်းတစ်ယောက်စက်ဌားသုံးတာ သူကပြန်ယူတော့မယ်ဆိုလို့ ဒီနေ့တော့ဒီလောက်ပဲဟာ ။
မှတ်ချက်။      ။မည်သူ့မှ မရည်ရွယ်ပါ စိတ်ကူးနှင့် ဟာသရေးကြည့်ပါသည် ။

လွင်ပြင်လှိုင်းငယ်

တော တောင်

Thursday, 13 June 2013

8 comments
တောင်စွယ် တောတန်း
ပန်းရိုင်းပေါသည့်
စမ်းချောင်း လျှိုမြောင်
သားကောင်များလဲ
အေးသည့်အရိပ်
ကြည်တဲ့စိတ်ကြောင့်
တရားအားထုတ်
မြတ်သောစိတ်နှင့်
သောကတွေပျောက်
လောဘဘယ်ရောက်
မာန်မလျှောက်တဲ့
ဒီလမ်းလေးဟာ
အေးချမ်းသာယာ
တချိန်ကပါ ။

တောင်စွယ် ဘယ်ဆီ
တောတန်းမရှိ
ပန်းရိုင်းနံ့ကင်း
စမ်းချောင်းရှင်းသည့်
တောင်ဂတုံးမှာ
ဝမ်းရေး အတွက်
လောဘဖက်ပြီး
ခုတ်လိုက်သည့်ပင် (သစ်ပင်)
တူးလိုက် တွင်းထွက်
အမြစ်မကျန်
သစ်ပင်ငယ်တောင်
မထွက်ရဲပဲ
ဘယ်ဆီရောက်လို့
ဘယ်မှာပေါက်လဲ
သိသူရှိက
ပြောပြခဲ့ပါ ။

လွင်ပြင်လှိုင်းငယ်

အဌားရင်ဘတ်ထဲက ကဗျာ

Wednesday, 12 June 2013

5 comments
လာပါ လာပါ ဆိုလို့
အချစ်တွေ တနင့်တပိုးထမ်းလို့
နင့်အနား မင်းရဲ့အပါး
ရင်ခုန်သံစီးလို့
အရောက်လှမ်းခဲ့တယ်

ပြန်ပါ ပြန်ပါ ဆိုတော့လဲ
အလွမ်းတွေ တပုံတပင်
မျှော်လင့်ချက် ဖိနပ်ခပ်ပါးပါးနဲ့
နောက်ကြောင်းပြန်နေတုန်း
မင်းပြောလိုက်တဲ့
နောက်ဆုံးစကားကတော့
အချစ်ကို ခုတုံးလုပ်လိုက်သလိုပဲ

ဘာတဲ့

အချစ်ဆိုတာ
လမ်းဘေးကရောင်းတဲ့
ဖရဲသီး တစ်စိတ်လောက်တောင်
မချိုမြိန်ဘူးတဲ့လား

ထားပါတော့
ချစ်တတ်တဲ့တနေ့
ဖရဲသီးတစိတ်က
မင်းအတိတ်ဘ၀က
ငါလို ကစားစရာ အရုပ်တွေအကြောင်း
ပြောပြလာပါလိမ့်မယ် ။

ရင်ဘတ်ငှားသည် (သတ်ပုံ အမှားများပါလျှင် ပြင်ဆင်ပေးကြပါ)

လွင်ပြင်လှိုင်းငယ်

ဆိုဒ်လေးတစ်ခုသို့ မိတ်ဆက်ပေးရင်း အားပေးရန် လေးစားစွာဖိတ်ခေါ်ခြင်း

Tuesday, 11 June 2013

5 comments
လေးစားရသော ဘလော့ဂ်ဂါများခင်ဗျာ .....

ဒီနေ့ စာပေကို ၀ါသနာပါပြီ ကဗျာနှင့် တခြားစာပေရသများကို ရေးသားရန်
စိတ်ဝင်စားသော ညီမငယ်တဦးရဲ့ ဆိုဒ်လေးကို ကျွန်တော် မိတ်ဆက်ပါရစေနော် ။
သူမရဲ့ ရင်တွင်ခံစားချက်များနဲ့ ရေးသားမည့် ကဗျာများကိုလဲ အားပေးပြီး လက်တွဲခေါ်ယူစေချင်ပါတယ်။
အမှားများရှိလျှင်လဲ အားမနာတမ်းဝေဖန်နိုင်ပါသည် ။ ။

သူမဆိုဒ်လင့်လေးကတော့ http://bloggerloverlay.blogspot.com/  ဖြစ်ပါတယ် ။

အားပေးကြပါအုံးနော်

အားလုံးကို လေးစားလျက်

လွင်ပြင်လှိုင်းငယ်

အိပ်မက်လေး သို့........

Saturday, 8 June 2013

8 comments
မျက်လုံးချင်းနမ်းတတ်တဲ့
ဒို့နှစ်ယောက် အနမ်းမှာ
ကမ္ဘာမြေပြင်ဟာ
ခဏတာလောက် အိပ်စက်သွားပြီး
နှစ်ယောက်တည်း
တကမ္ဘာဖြစ်သွားသလိုပဲ
အိပ်မက်လေးရေ ။

နင့်ရဲ့ အသက်ရှူသံဟာ
ငါ့ရဲ့ အိပ်စက်ခြင်းဂီတမို့
ဂီတသံကြားမှ အိပ်စက်တတ်တဲ့
နှလုံးသားဟာ
နင်နဲ့ ဝေးဝေးနေလို့ ဘယ်ရပါ့မလဲ
အသက်ရှူသံနဲ့ အသက်ဆက်ပေးတဲ့
အိပ်မက်လေးရေ ။

အနမ်းတွေအစား
အလွမ်းတွေထား
မေ့သွားမှာလား
တနေ့တော့လို့
မျည်ရည်လယ်လယ်
နင့်အမေးစကားမှာ
နှလုံးသားမှာ
မခံစားသာလို့
ဝေးရမယ့်အကြောင်း
ကမ္ဘာပျက်ပြီး နောက်ရက်တောင်
မတွေးပါနဲ့လား
အိပ်မက်လေးရေ ။

လွင်ပြင်လှိုင်းငယ်

ကဗျာတိုလေးများ

Monday, 3 June 2013

7 comments
ဘ၀

အချစ်တစ်ခုတည်းနှင့်
ဘ၀ဟာမပြည့်စုံသလို
ဘ၀တစ်ခုအတွက်
အချစ်မရှိရင်လဲ မပြည့်စုံနိုင်ဘူး
အချစ်+ဘ၀=နားလည်မှု့ဆိုရင်
ဘ၀ဟာနဲနဲပိုလှသွားမယ်
နားလည်မှု့တိုင်းမှာ
တိုင်ပင်ခြင်းတွေ ထပ်ဖြည့်လိုက်
မေတ္တာ သစ္စာတွေ ပေါင်းထည့်
ဘ၀အကျ အတက်နဲ့
မနက်ဖြန်တိုင်း
အချစ်တွေ တိုးတိုးလာရင်
အဆိုးတွေမရှိတဲ့
အနာဂါတ် စိတ်ထဲမှာမှတ်လို့
အချစ်ဆိုတာ ခဏခဏ ပြောစရာမလိုပဲ
အကြည့်တစ်ချက်နဲ့တင်
သူ့ရဲ့ကြင်နာခြင်းတွေ
နှလုံးသားက မြင်နိုင်ပါတယ် ။


*************************************
နှင်းဆီထံ မေ့မြောသော ကဗျာဆရာ

မိုးရေကြဲတဲ့
နှင်းဆီရဲရဲကြီးအနီးမှာ
နွေရဲ့ ကျေးငှက်
ကဗျာတစ်ပုဒ်ကို အဆုံးမသတ်နိုင်ပဲ
နှင်းဆီရဲ့ အလှမှာ မေ့မြောသွားခဲ့တယ်
ကြုံရင်နိုးခဲ့ပေးပါ
ကဗျာတစ်ပုဒ် အဆုံးသတ်ဖတ်ချင်လို့ပါ .....


****************************************

သူရဲကောင်းထံသို့

အနုပညာကောင်းကင်ကြီး
ငါမကြည့်ရဲတောင် ဖြစ်နေပြီ
ညရောက်တိုင်း ကြယ်တွေ
တဖြုတ်ဖြုတ်နဲ့
ငုတ်တုတ်ထိုင်ရင်း
မိုးသားကင်းတဲ့ ညမရောက်ပါစေနဲ့လို့
ဆုတောင်းရင်း
လင်းလက်နေသေးတဲ့
ကြယ်စင်အရေအတွက်
လက်ချိုးလို့တောင် ရေတွက်နေမိတယ် ။

ဒီမှာ သေမင်း သင်ဟာ
တော်ပြီးတတ် တွေးပြီးရေး
ကိုယ်ပိုင်နှလုံးသားကို
ပန်းပုထု
ခံစားချက်တွေနဲ့ မျက်နှာသစ်တတ်သူတွေကို
ရွေးခေါ်ပြီး
သင့်ခံစားချက်တွေကို စာဖွဲ့ခိုင်းမလို့လား ။

အများခံစားဖို့အတွက်
ကိုယ်ပိုင် နှလုံးသွေးစက်တွေနဲ့
နာကျင်ခံစားရေးဖွဲ့တတ်ပြီး
ဘ၀တပါးကိုကူးပြောင်းသွားပေမယ့်
သူရဲကောင်းတစ်ယောက်နဲ့
ရာဇ၀င်နဲ့ နာမည်ကတော့
ကျွန်တော့်တို့ နှလုံးသားမှာ
ထာဝရ
မြင့်မြတ်စွာ
လေးစားစွာ
တမ်းတစွာနဲ့ ကျန်နေခဲ့မှာပါ ။


********************************






နွေ

Sunday, 21 April 2013

9 comments
စမ်းရေခမ်း
ပန်းတွေနွမ်း
လွမ်းစရာတွေများတဲ့ နွေ ။

ဥသြ တွန်ကြူး
မြောက်လေရူးနဲ့
ရွက်ဟောင်းလဲကြွေ ရွက်သစ်ဝေတဲ့ နွေ ။

အဖော်ကွဲသူ
အလွမ်းဒဏ်နှင့်
ပန်းခြောက်တွေ ကောက်နမ်းနေတဲ့ နွေ ။

ဖုန်လုံးကထူ
နေကပူတော့
သင်္ကြန်မိုးလေးတော့ မျှော်နေတတ်တဲ့ နွေ ။

လွမ်းမောစရာများတွေ နွေ
ပန်းတွေသဘောကိုသိတဲ့ နွေ
လန်းစရာများတဲ့ နွေ
နွမ်းလျမှု့တွေပျောက်စေတဲ့ နွေ
အဆိုးအကောင်း
အကျိုးအကြောင်းနဲ့
နွေကိုတော့ ငါချစ်သားနော် ။


လွင်ပြင်လှိုင်းငယ်

ပိတောက်

Tuesday, 9 April 2013

9 comments
ပင်စည်က ခိုင်ခိုင်
ကိုင်းခက်တွေဖြိုင်ဖြိုင်နဲ့
ပင်စည်ဘေး
ခုံတန်းတွေချလို့ရယ်
အေးမြရိပ်ပေးတဲ့ အပင်  ။

တစ်နှစ်မှာတစ်လ
တစ်လမှာ တရက်
ခက်ခက်ခဲခဲ
ပွင့်ရှာရတယ်
သစ္စာရှင် ဒီအပင်
ဟို့ရှေ့ရှေ့တုန်းကပင်  ။

ရေမကူ မိုးမှာမပွင့်
ဆောင်းရဲ့ အေးဒဏ်
ကြံကြံခံလို့
နွေနေရဲ့ အပူပင်ကြားမှာ
အေးရိပ်တွေပေးပြီး
မိုးစက်လေး တဖြိုက်ဖြိုက်ကြားမှာ
ပွင့်ရရှာသလေ  ။

ရိုးတံဖြိုင်ဖြိုင်
ဖူး ငုံ စိမ်းစိမ်းနဲ့
ဝါရောင်တွေ သန်းပါလို့ရယ်
မွေးပျံတဲ့ ဒီရနံ့နဲ့
ရှားပါးသည့် ပန်း  ။

ရာသီရဲ့ ဒဏ်
လူတွေရဲ့ သီလ
ဒီသဘာဝတွေကြား
ဖူးပွင့်တာ အချိန်မမှန်တော့
ပြောကြပြန်သေး
သစ္စာမဲ့တဲ့ ဒီပန်းကလေး   ။

သစ္စာရှိတဲ့ ဒီပန်းရယ်လို့
တင်စားတာ လူ
ဖောက်ပြန်တယ်လို့
စွတ်စွဲတာလဲ လူ
ဒီအဖြစ် ဒီစနစ်တွေကြားထဲ
ပိတောက်မှာတော့ 
မျက်ရည် စက်လက်နဲ့ပေါ့  ။

လွင်ပြင်လှိုင်းငယ်

သင်္ကြန်အမှတ်တရ ကဗျာအဟောင်းလေးပြန်တင်ပါသည်။ ပုံကို googleမှကူးယူပါသည်။

အိပ်မက်သခင် ဘ၀ရှင်နင်ရေ

Thursday, 7 March 2013

20 comments


အိပ်မက်သခင်
ဘ၀ရှင်နင်ရေ
နင့်အပါးမှာ
အမြဲ ခစား
နင့်အနားမှာ
ထာဝရနေချင်သူမို့
နင်ရှိတဲ့ဘယ်နေရာမဆို
သေမင်းတောင်
ကြွေဆင်းတဲ့ ပန်းတစ်ပွင့်အလား
မြတ်နိုးနမ်းရှိုက်
အဆိပ်သင့်လဲ သေ၀ံ့သူပါ ။

အိပ်မက်သခင်
ဘ၀ရှင် နင်ရေ
အတွေးမှာ ရေးသမျှက
နင့်အတွက်ကဗျာ
လက်တွေ့မှာကြိုစားနေတာက
နင့်ဘ၀လှရန်
ထားတာက စေတနာ
အမှားပါလို့
ဝေဒနာ ဖြစ်ခဲ့ရင်တောင်
သေချာပါတယ်
အကြင်နာဆေးတစ်ခွက်
ငါမေတ္တာရည်နဲ့
သွက်သွက်လေး ဖျော်ကာပေးမယ် ။

အိပ်မက်သခင်
ဘ၀ရှင်နင်ရေ
အနေဝေးလို့
သွေးအေးမသွားတတ်သလို
အနေနီးလို့လဲ
ရိုးအီမသွားတတ်တဲ့
စစ်မှန်တဲ့ ချစ်ခြင်းဝိုင်တစ်အိုး
ငါ့နှလုံးသားမှာ မြုပ်ထားလိုက်မယ်
နင့်အတွက်
နှစ်ချို့လေ ပိုချိုလေပေါ့ ။



လွင်ပြင်လှိုင်းငယ်



ကာရံမလှပေမယ့် ဒဏ်ရာကင်းတဲ့ကျွန်တော်ကဗျာ

Saturday, 16 February 2013

24 comments
ရင်ခွင်တံခါးကို
အကြင်နာစွမ်းအင်နဲ့
နင်တစ်ယောက်တည်း
ဝင်ခွင့်ရအောင်
နှလုံးသားအဓိဌာန်ဝင်
မေတ္တာတွေ သက်သေထား
ချစ်ခြင်းရဲ့ တန်ခိုးနဲ့
ဘယ်တော့မှမကျိုးမယ့်
နှလုံးသားတံခါးချပ်
 ငါဆောက်ထားတယ် ။

နားလည်မှု့ အမျှင်ထုတ်
သံယောဇဉ်ကြိုးတုတ်တုတ်နဲ့
ငါဆုပ်ထားတဲ့
ချစ်ခြင်းစံပယ်တပွင့်ဟာ
ကမ္ဘာတည်သမျှ
မညှိုးနွမ်းမယ့်
ကဗျာသီတဲ့ ပန်းစံပယ်တစ်ပွင့်ရယ်လို့
ငါ့နှလုံးသား အချစ်သမိုင်းမှာ
မြတ်မြတ်နိုးနိုးရေသီခဲ့မယ် ။

အချစ်ကို အချစ်လို့
နာမည်တပ်နိုင်ယုံလောက်နဲ့
ချစ်တယ်ဆိုတဲ့ စကားတစ်ခွန်း
လျှာဖျားက အားယားပြီးထွက်လာတာမဟုတ်တော့
အချစ်ရဲ့ ဘော်ဘော်တွေဖြစ်တဲ့
ကြင်နာ မြတ်နိုး
ယုယ တွယ်တာ
နားလည် ပေးဆပ်
မှေးစက်စေချင်တာ
နှလုံးသားမွေ့ယာပေါ်မှာမို့
နှလုံးသွေးနဲ့ရေးတဲ့ကဗျာတိုင်း
နင့်အတွက် အချစ်တွေ အန်ချတဲ့
ကာရံမလှပေမယ့်
ဒဏ်ရာကင်းတဲ့
ကဗျာလေးလို့
နင့်စိတ်မှာထား
နှလုံးသားလေးနဲ့ ဖတ်ပေးပါ ။


လွင်ပြင်လှိုင်းငယ်


အတွေးလေးများ

Tuesday, 5 February 2013

20 comments
ကောင်းတာဟာ လိုက်နာဖို့ခက်
မကောင်းတာက လုပ်ရန်လွယ်လို့
ကောင်းတာဟာ မကောင်းတာလို့မှတ်
မကောင်းတာ ကောင်းပါလားတွေးရင်း
လောကအလယ်
အမှားများလဲ
အများမှားတဲ့
ကမ္ဘာထဲမှာ
ငါတစ်ယောက်တည်းရောပြင်လို့ရမလားဆိုတဲ့
အတွေးဆိုးတွေ မောင်းထုတ်လိုက်ပါ ။

တရားသဘောတွေက
မှားယွင်းတဲ့ အမြင်တွေကို ကြည်လင်စေတဲ့
လောက မျက်မှန်တစ်လက်ဖြစ်သလို
ဘ၀ပညာတွေက
အပြုံးတွေခင်းကျင်းထားတဲ့ စားပွဲမှာ
 အဆိပ်တွေချကျွေးတာ မိတ်ဆွေလား
အပြုံးတွေမပါပေမယ့်
အမုန်းခံစေတနာနဲ့
သွန်သင်တာ  မုန်းလို့လား
သင့်အတွေးလေးတွေ မှန်စေသား ။
လွင်ပြင်လှိုင်းငယ်

မျက်ရည်မြစ်ထဲက အမေ့အတွက်ကဗျာ

Friday, 25 January 2013

20 comments

 မျက်ရည်မြစ်ထဲက အမေ့အတွက်ကဗျာ

အမေလို့ ရင်ထဲကအခေါ်မှာ
အတ္တတွေပျော်ကျ
မောဟ ရမ္မက်တွေကွာကျရင်း
ဒေါသတွေရင်မှာပျောက်လို့
မေတ္တာတရားရဲ့ ပဲ့ကိုင်ရှင်
သံယောဇဉ်ကြိုး နဲ့ ကမ္ဘာကိုချည်နှောင်နိုင်သူ
ခွင့်လွတ်နားလည်မှု့အပြည့်ရှိသူ
အမေကို အမေလို့
ရင်ထဲမှာ စက္ကန့်တိုင်းခေါ်နေမိတယ်
မေမေရယ် ။

အမေအတွက်
စာတလုံးရေးတိုင်း
ရင်ထဲမှာ ဆို့နင့်လာလို့
ကဗျာထဲမှာတောင် ငိုမိနေသူပါ 
ဆိုးရွာတဲ့ အမှောင်ညတွေကြောက်တိုင်း
အမေဆိုပြနေကြ
သားချော့တေးလေးက
သားအတွက်အားဖြစ်တဲ့
ဂန္တ၀င်အမြောက်ဆုံးတေးသွားတစ်ပုဒ်ပေါ့ ။

အမေ
အမေ
အမေ
ကဗျာတစ်ပုဒ်လုံးအပေါ်
မျက်ရည်တွေကျမိနေပြီ ။

   *****************

ကျွန်တော်ရဲ့ သူရဲကောင်း



 
ငွေရောင်တွေလွမ်း
ဆံဖြူ ယှက်သန်း
သားကို လွမ်းတဲ့ အလွမ်း
တနင့်တပိုး ထမ်းထားရင်းနဲ့
 ဆံဖြူတွေက သားအတွက်ပူလို့
ဖြူရတာလားအမေ  ။

နံ့သာဖြူအဖွေးသာပေါ်
မျက်ရည်မြစ်တွေဖြာဆင်း
ရင်တွင်းက သောကပင်လယ်
သားကို မျှော်ရလွန်းလို့
လျှံကျတဲ့ အလွမ်းမျက်ရည်တွေရဲ့
စုရပ်လား အမေ  ။

အရိုးတွေဖြိုင်ဖြိုင်ကျ
အကြောတွေထောင်ထောင်ထလဲ
သားဘ၀ ကာကွယ်ဖို့
 နှလုံးသားနဲ့ သွေး
သွေးစက်နဲ့ဆေးတဲ့
အမေ့လက်က
ဓါးတစ်လက်ထက်တော့ ထက်ပါတယ် အမေ   ။

ဗုံးခင်တဲ့လမ်းလဲလျှောက်ရဲတယ်
ကန္တရသဲကြမ်းမှာလဲ အိပ်နိုင်တယ်
သံရည်ပူလဲ သောက်ရဲတယ်ဆိုပေမယ့်
သားအတွက်တော့လေ
စိန်စီတဲ့လမ်းခင်း
ဖဲနုမွေ့ယာပေါ်သိပ်
မေတ္တာရေကြည်တိုက်လို့ရယ်
အရာရာ ပြီးပြည့်စုံတဲ့ ဘ၀မှာ ထားချင်တဲ့ အမေ  ။

ဒုက္ခတွေ ခါးစီးပြီးခံ
ခါးသီးခြင်းမိုးစက်တွေကြား
ကျောက်စလစ်ခင်းထားတဲ့လမ်းမှာ
ဖိနပ်မပါ ခြေဗလာနှင့်
ခြေဖ၀ါးမှာသွေးတွေ ယိုးစီးနေလဲ
သားဆိုတဲ့ အသိတစ်ခုနဲ့
ရှိသမျှအားအင်တွေသုံး
ရိုးသားခြင်းထီးတစ်လက်နှင့်
မာယာများတဲ့ လောကဓံကို ကြံကြံခံရင်း
လှပတဲ့ ဘ၀တစ်ခု သားမှာပိုင်ဖို့
အရာရာကို ရင်ဆိုင်ရဲတဲ့ အမေ  ။
(၀န်ခံချက်။    ။ ပုံကို google မှကူးယူပါသည်)



 မှတ်ချက် ။    ။ကဗျာအသစ်တစ်ပုဒ်နှင့် အဟောင်းတစ်ပုဒ်ကို ပူတွဲတင်ထားပါသည် ။ အမေတိုင်းကို လေးစားမိပါသည် ။

 လွင်ပြင်လှိုင်းငယ်



ကဗျာတိုလေးများ

Thursday, 17 January 2013

25 comments
အတိတ်တွေမီးရှို့လိုက်ချင်ပေမယ့်
မင်းနဲ့ ပတ်သက်ရင်
အရိပ်တောင် မြတ်နိုးသူမို့
အရိပ်ပျောက်မယ့်
အမှောင်ညရောက်မှာတောင်
စိုးကြောက်မိတယ်
သဲဘုစုခရုလေးရယ် ။

  ***********

 ခံစားချက်ရင်ခုန်သံကို
ကာရံထပ်လို့
ကဗျာဖြစ်မယ်ဆိုရင်
ကြင်နာခြင်းတောတန်းထက်
သံယောဇဉ်မြစ်ပြင်မှာတောင်
နင့်ကိုချစ်ကြောင်းကဗျာစပ်
မိုးတိမ်တွေကြားမှာ
အိန်ဂျယ်တွေဖတ်ဖို့
ကဗျာတွေစပ်နေအုံးမယ် ကောင်မလေးရယ် ။

****************


ချစ်ခြင်းတွေ ချမ်းသာတော့
မုန်းခြင်းတွေ မွဲပြာကျ
ဒါနတွေ ရွာသွန်း
အကုသိုလ်တွေ မိုးခေါင်
အဆိုးတွေရှိနေရင်
အကောင်းတွေနဲ့ပေါင်းတင်လိုက်တော
ဘ၀ဆိုတာ လှမှလှ ။

****************

 တကယ်လို့များ
အကြောင်းကြောင်းကြောင့်
နင်ထားသွားရင်တောင်
ငါအမှားများလို့ပါလားလို့
ကိုယ့်ကိုယ်ကို အပြစ်တင်ရင်
အချစ်တွေကို အပွန်းပဲ့မခံ
နင်လျှောက်မယ့်လမ်း
ငါ့အသက်ရှူသံတွေ ခင်းကျင်းပေးမယ် ။

****************

လွင်ပြင်လှိုင်းငယ်

မင်္ဂလာဦးဆွမ်းကျွေးဖိတ်ကြားလွှာ ကိုအောင်မျိုးလွင်(ခ)ကိုမျိုး***ပန်းပျိုးလက်*** + မသွန်းမီမီ

Monday, 14 January 2013

17 comments

မင်္ဂလာဦးဆွမ်းကျွေးဖိတ်ကြားလွှာ

ရန်ကုန်တိုင်း ၊ အမှတ်(၂၂) ၊ သခင်အုန်းခင်လမ်း(၂၈) ရပ်ကွက် ၊ ဒဂုံမြို့သစ်မြောက်ပိုင်းနေ ၊
ဦးငွေတင် + (ဒေါ်ခင်ရွှေ)တို့၏သား
(ကိုတင်အုန်း) +မခင်စန်း၊ကိုအောင်ကြည်+မခင်သန်း၊ကိုမျိုးမြင့်လွင် ၊
မကြူကြူမော်တို့၏ညီ ၊မောင် ကိုနိုင်မျိုးလွင်+မသန္တာမျိုးတို့၏ အကို
  
               ကိုအောင်မျိုးလွင်(ခ)ကိုမျိုး *** ပန်းပျိုးလက်***

                                           နှင့်

ရန်ကုန်တိုင်း ၊ အမှတ်(၇၆) ၊ (၅လွှာ) ၊မြောင်းကြီးလမ်း ၊ရေကျော်ရပ်ကွက်
    ပုဇွန်တောင်မြို့နယ်နေ ဦးတင်ဝင်း +ဒေါ်မြင့် တို့၏ သမီး
မသင်းသင်း၏ညီမ ၊မခင်မျိုးဝင်း ၊မောင်အောင်သူဝင်း +မအေးအေးသွယ်
မောင်ဇော်ထွန်း + မသီတာလွင်တို့၏ အမ

                                     မသွန်းမီမီ

တို့၏မင်္ဂလာဦးဆွမ်းကျွေးသို့ ကြွရောက်ကြပါရန် လေးစားစွာ ဖြင့်ဖိတ်ကြားအပ်ပါသည် ။

                               ***********************************

မင်္ဂလာအစီအစဉ်

မင်္ဂလာနေ့ရက် ။            ။မြန်သက္ကရာဇ်(၁၃၇၄)ခုနှစ် ၊ပြာသိုလဆန်း (၅)ရက်
                                      ခရာစ်သက္ကရာဇ်(၂၀၁၃)ခုနှစ်၊ဇန်နဝါရီလ (၁၆)ရက်
                                       ဗုဒ္ဓဟူးနေ့

မင်္ဂလာဆွမ်းကပ်။           ။နံနက်(၁၁)နာရီ မှ နေ့လည်(၁)နာရီအထိ
တရားနာနှင့်
မင်္ဂလာလက်မှတ်ထိုး။     ။နေ့လည်(၁၂)နာရီ

မင်္ဂလာနေရာ။             ။ရတနာရာမ ကျောင်းတိုက်

                                   30,Jalan SS 2 / 72, Petaling Jaya 47300 ,
                                   Selangor
 ကိုမျိုးဖုန်းနံပါတ်လေးနော်  ။     ။010 8966 339

                             ******************************************


မလေးရှားတွင်ရှိသော ကိုမျိုး(ခ) ပန်းပျိုးလက်၏ သူငယ်ချင်းများနှင့် ကွဲကွာနေသောသူငယ်ချင်းများ
မင်္ဂလာနေ့ရက်လေးသို့ လာရောက်ရန် လေးစားစွာဖိတ်ကြားအပ်ပါသည် ။ ။ ။

                           *******************************************

လေးစားရတဲ့ ဘလော့ဂါမိတ်ဆွေများနှင့် စာချစ်သူတို့ခင်ဗျာ

သူငယ်ချင်းတစ်ယောက်ရဲ့ မင်္ဂလာဆောင်လေးကို ကျွန်တော်လွင်ပြင်မှ စေတနာနှင့်ကြေငြာအပ်ပါသည် ။

ဘလော့ဂါသူငယ်ချင်း လူပျိုကြီး အပျိုကြီးများ အားကျစွာ အချစ်ကိုရှာဖွေရင်း လွင်ပြင်  နောက်ထပ်ချစ်သူစုံတွဲတွေ ကြေငြာပေးချင်ပါသေးတယ် ။

ကဗျာတစ်ပုဒ် လက်ဆောင်ပေးလိုက်ပါတယ်

ခင်မင်တွယ်တာ
မြတ်နိုးစွာနှင့်
သံယောဇဉ် အထပ်ထပ်
မေတ္တာတံတိုင်း ပတ်
သစ္စာ အုပ်မြစ်ချ
သာယာတဲ့အိမ်ထောင်ရေး
ကမ္ဘာငယ်လေးဝယ်
ဖေးမထူတွဲ
စိတ်ပျက်အားငယ်ရင်
စိတ်ဓါတ်သစ်တွေ
အသက်သွင်းပေး
အေးရင်တူတူ
ပူရင်မမျှ
အတူတကွနဲ့
လာစမ်းလောကဓံ
သူ့လက်ကိုယ်ဆွဲ
ကိုယ့်လက်သူတွဲရင်း
အရာရာကို ရင်ဆိုင်လိုက်မယ် ။

အမုန်းမရှိတဲ့ အချစ်
အပြုံးတွေ ထာဝရပျိုရွယ်
အရှုံးတွေတွေ့တိုင်း
အားမငယ်ပါနဲ့ရယ်လို့
အားပေးနှစ်သိမ့်
လက်တွေ့ကျတဲ့ မနက်ဖြန်တိုင်း
အလင်းရှိရင် အရိပ်
ပြန်တွေးမယ့် အတိတ်တိုင်းနှင့်
လျှောက်သွားမယ့် အနာဂါတ်တိုင်း
နားလည်မှု့နှင့် ဘ၀ကိုဆက်နိုင်ပါစေသား ။


လွင်ပြင်လှိုင်းငယ်

အားမငယ်ပါနဲ့ လောကကြီးရယ်

Wednesday, 9 January 2013

17 comments
ငိုရင်လွယ်
ရှိုက်ရန်ခက်
သေရင်လွယ်
ရှင်ဖို့ခက်
ချစ်ခြင်းအတွက်
စစ်ပွဲတွေဖြစ်နေသလို
မြစ်ပြင်မှာ
မီးထွန်းချင်သူတွေလဲရှိတယ်
မေတ္တာတွေရှင်သန်နေပေမယ့်
သစ္စာတွေကျွမ်းလောင်တော့
ချစ်ခြင်းတွေ ပြာတို့နယ်
လေအဝေ့ ဘယ်တကွေ့မှာ
ပျောက်သွားမှန်းမသိခဲ့ဘူး ။

ဟန်ဆောင်မျက်နှာဖုံးတပ်
မာယာတွေပွဲတော်ဆက်
မနာလိုမှု့တွေ ဆင်မြန်းရင်း
လူ့လောကဇာတ်ခုံ
ဖားက က ရင်း
ရိုးသားသူတို့ မျက်ရည်ပင်လယ်
အတ္တလှေနဲ့ ဇိမ်ခံစီးရင်း
ဒီဘ၀မှာ ပျော်နေသူလဲ ဒုနဲ့ဒေး ။

တစ်ကျပ်ရှိရင်
ငါးမူးလှူ
တစ်မတ်ဖိုးနဲ့
စားသောက်ရောင့်ရဲ
လက်ကျန်ကိုစုဆောင်း
လောကဒဏ်ဘယ်လောက်ထောင်းထောင်း
မပြောင်းတာ ရိုးသားတဲ့အားမာန်
ငတ်လို့သေရင်သေ
သတ်လို့မသေတဲ့
စိတ်ထားလှလှနဲ့
ဒါနတွေကျောပိုး
အများအကျိုးအတွက်
အသက်ရှင်နေသူတွေလဲရှိသေးတယ် ။

ထို့ကြောင့်
ထို့ကြောင့်
အကောင်းအဆိုးတွေ တွဲဖက်
နေထွက်နေ၀င်ရှိနေသေးလို့
အားမငယ်ပါနဲ့ လောကကြီးရယ် ။

(အခုတလောအလုပ်တွေများနေလို့ စာလဲမရေးနိုင် အိမ်လည်လဲမထွက်စာဖတ်ပေမယ့် ကော့မက်တွေမချန်ခဲ့နိုင်တာကို နားလည်ပေးကြပါရန်)

အားလုံးကိုလေးစားချစ်ခင်လျက်

လွင်ပြင်လှိုင်းငယ်

 

Popular Posts

Popular Posts

Popular Posts2

Popular Posts3

စိတ်ကြိုက်အရောင်ကုဒ်လေးများ

အရောင်ရဲ့Code ယူရန် :