ငါ

ငါသည် ငါဖြစ်ဖို့

ငါကိုယ်တိုင်

ငါ့ရာဇ၀င်ကို

ငါပိုင်တဲ့ ငါ့ဘ၀စာမျက်နှာမှာ

ငါနဲ့ဆိုင်တဲ့အကြောင်းတွေ

ငါပိုင်ခဲ့တဲ့ ဒုက္ခ သုခတွေကို

ငါ့နှလုံးသွေးနဲ့ ရေးရဲရမည်  ။

ငါသည် ငါဖြစ်သောကြောင့်

ငါ့ထက်တော်သူကို အားကျမိ၏

ငါ့ထက် ညံ့သူကို ငါ့ထက်တော်စေချင်၏

ငါလျှောက်မယ့်လမ်း ခယောင်းလမ်းဖြစ်ချင်ဖြစ်ပါစေ

အများလျှောက်တဲ့ လမ်းတော့ 

စိန်စီပြီး ဖဲခင်းတဲ့ လမ်းကောင်းလေးပဲ ဖြစ်စေချင်တာ

ငါ့ဆန္ဒမှန်ပါ  ။

ငါသည် ဓါးသွေးကျောက်ဖြစ်ချင်၏

ငါသာ ပါးသွားပေမယ့် အများ ထက် တော့ ငါပျော်၏

 ငါသည် လမ်းဘေးက ရေချမ်းစင်လေးလဲ ဖြစ်ချင်၏

အမြင်မလှပေမယ့် သူတပါး ရင်တော့ အေးစေ၏

ငါသည် ဇရပ်လေးလဲဖြစ်ချင်၏

အခင်းနွမ်းနေပေမဲ့ ခဏတာ အများအတွက် နားစရာတော့ရ၏ ။

ငါသည်  စာပေ ကဗျာလေးတောင် မရေးတတ်ပေမယ့်

ရသ ကိုခံစားတတ်၏

ကဗျာဆရာလက်ကို တန်ဖိုးထား၏

ငါသည် ဝေဖန်ရေးကို အားပေး၏

မနာလိုခြင်းကို ရွံမုန်း၏

ငါသည် အပြစ်ကင်းသော သူတော်စင်မဟုတ်ပေမယ့်

လူတွေကိုတော့ အပြစ်ကင်းတဲ့ လူတော်တွေဖြစ်စေချင်၏  ။

ငါသည် ငါဖြစ်သောကြောင့်

ငါ့ဘ၀ကို ငါခြယ်သပြီး

ငါဆေးရောင်က မလှပရင်

ငါ့ချစ်သူနင်နှင့် သင်တို့က

ငါ့အတွက် အရောင်ကောင်းလေးပြောခဲ့ပါ  ။

လွင်ပြင်လှိုင်းငယ်