အိပ်မက်လေးသို့ အဖြေစကား

ချစ်လား ချစ်လား မောင်ရယ်လို့

ခဏခဏမမေးပါနဲ့လား

အမေးစကားကြားမှာ မင်းမောမှာစိုးလို့ပါ

ရင်ကိုခွဲ နှလုံးသားကိုခင်း

သွေးကြောမျှင်တွေ ရှက်သန်းပြီး

မင်းကိုချစ်တယ် ဆိုတဲ့

အက္ခရာတောင် ပေါ်နေမလားပဲ  ။

မကြင်နာ  နာကျင်အောင် ထားသွားမလားလို့

မတွေးမိပါစေနဲ့ ချစ်သူ

နှလုံးသားက နာကျင်တာတော့မပြောနဲ့

ခန္ဓာကိုယ် နာကျင်အောင်

မင်းကို ကိုက်မဲ့ ခြင်တစ်ကောင်တောင်

ငါတော်တော်မုန်းနေတာ

မင်းအသိပါ ချစ်သူရာ  ။

အသစ်တွေ့လို့ ပစ်သွားမလားဆိုတာ

အိပ်မက်ထဲတောင် ထည့်မမက်ပါနဲ့

အဟောင်းရှိမှ အသစ်ဆိုတာပေါ်လာတာပါ

မင်းဟာ ငါ့ဘ၀အတွက်

ဘယ်တော့ ဘယ်အချိန်မှ

မဟောင်းနွမ်းပဲ

အကောင်းတိုင်းရှိနေမဲ့

အနာဂါတ်ရဲ့ လမ်းပြဆရာမပါ  ။

ဇရာအိုလို့ ကညာပျိုတွေကို

အလှတရားတပ်မက်လို့

လမ်းခွဲသွားမလားလို့ အတွေးနဲ့

မင်းမအိပ်ပဲ

အိပ်ပျက်ခံတွေးတွေးနေတာငါသိပါတယ်

ချစ်စက မင်းရုပ်လှတယ်

ချစ်လယ်မှာ စိတ်အလှက ပိုထပ်တိုးလို့

အဆုံးသတ်

ငါ့အချစ်တွေ ငါ့ဘ၀ ငါ့အိပ်မက်နဲ့

ကုန်ကုန်ပြောမယ်

ငါ့ရှင်သန်ခြင်းတောင် မင်းလက်မှာ

အဆုံးသတ် သဂြိုလ်ပြီးမှတော့

အလှတရားဆိုတာ ဘ၀တပါးပြောင်းလို့

နတ်မိမယ်တွေတောင် ရင်ခုန်တော့မှာမဟုတ်ပါဘူး  ။

လွင်ပြင်လှိုင်းငယ်